२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । फूलपातीबाट सार्वजनिक प्रदर्शनमा आएको फिल्म हो ‘१२ गाउँ’ । एक्सन स्टार विराज भट्टको निर्माण तथा निर्देशन रहेको फिल्मले चौथो सातासम्म २५.५ करोड माथिको व्यवसाय गरेको छ ।
फिल्मका वितरक कम्पनी काफिया फिल्मसका गोविन्द शाहीले चौथो सातासम्म फिल्मले २५.५ करोड बढी व्यवसाय गरेको बताए ।
फिल्म आजबाट प्रदर्शनको पाँचौँ सातामा प्रवेश गरेको छ । निर्माण युनिटले यो खुसीमा फिल्मको एक पोस्टर सार्वजनिक गरेको छ । जसमा प्रदर्शनरत साता ५ औँ र अहिलेसम्मको व्यवसाय २५.५ बढी भनेर उल्लेख गरिएको छ ।
फिल्ममा विराज भट्ट, विराजका छोरा समीर, न्यान्सी खड्का, सनिशा भट्टराई, मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुनजंग शाही, भिष्म जोशी, शुलेमान शंकर ९इकु०, तारा शर्मा, किशोर भट्ट, सन्तोष सरकार र स्टन्ट शिल्भाको अभिनय छ ।
विराज भट्ट फिल्म पोडक्सनको प्रस्तुतिमा निर्माण भएको फिल्ममा अर्जुन पोखरेल र नीरजको सङ्गीत, रामजी लामिछाने, सुनिल क्षेत्री र कविराज गहतराजको कोरियोग्राफी तथा प्रवीन केएल र भूपेन्द्र अधिकारीको सम्पादन छ ।
फिल्ममा विराज स्वयमको कथा र सन्तोष सरकारको पटकथा तथा संवाद छ । एक्सन–थ्रिलर कथामा निर्माण भएको फिल्म वितरण काफिया फिल्मस् र कुवेर सिने डिष्ट्रिव्युसनले गरेको हो ।
© 2025 All right reserved to khabarcnter.com | Site By : Sobij
