२०८२ माघ १० गते शनिवार
२०८२ माघ १० गते शनिवार
काठमाडौं । प्रधानमन्त्री केपी शर्मा ओली नेतृत्वको मन्त्रिपरिषद् बैठक आह्वान गरिएको छ । सिंहदरबारमा आज (शुक्रबार) अपरान्ह ५ः०० बजेका लागि बैठक आह्वान गरिएको हो ।
बाढीपहिरो र डुबान प्रभावितलाई अस्थायी आवास निर्माणबारे निर्णय हुनसक्ने एक मन्त्रीले जानकारी दिए । उनका अनुसार प्रत्येक बिहीबार बस्ने बैठक सार्वजनिक बिदाका कारण हिजो (बिहीबार) बस्न सकेन । त्यसैले आजका लागि आह्वान गरिएको हो ।
बाढीपहिरो र डुबानबाट प्रभावितको अस्थायी आवास निर्माणका लागि मन्त्रिपरिषद् बैठकबाट निर्णय हुने ती मन्त्रीले बताए । यही असोज ११ र १२ गतेको अविरल वर्षासँगै आएको बाढीपहिरोमा परी मृत्यु हुनेको संख्या २३६ पुगेको छ ।
गृहमन्त्रालयका प्रवक्ता ऋषिराम तिवारीका अनुसार ११४ जना पुरुष, ३२ महिला र १९ बालबालिका गरी जम्मा २३६ जनाको मृत्यु भएको हो । अझै १९ जना बेपत्ता छन् । घाइतेहरुको संख्या १६५ छ भने हालसम्म १७ हजारको उद्धार गरिएको गृह मन्त्रालयले जनाएको छ ।
© 2026 All right reserved to khabarcnter.com | Site By : Sobij
