२०८२ माघ १० गते शनिवार
२०८२ माघ १० गते शनिवार
काठमाडौं । माओवादी भ्रातृ संगठन अखिल (क्रान्तिकारी)को सम्मेलन भाँडिएको छ । असोज ११–१४ सम्मका लागि तोकिएको २३औँ सम्मेलन भाँडिएको हो ।
तोकिएको समयमा सम्पन्न गर्न नसकेपछि अनेकन् वहाना बनाएर सम्मेलन भाँडिएको छ । विशेषतः २८, ३० र ३२ वर्षे उमेरहद कायम गर्नुपर्ने प्रतिनिधिको अडानले सम्मेलन भाँडिएको हो ।
३२ नाघेका नेतृत्वका आकांक्षीकै कारण सम्मेलन भाँडिएको प्रष्ट छ । उनीहरूले कुनै हालतमा उमेरहदबन्दी कायम नगर्न माउ पार्टीका शीर्ष नेताहरूलाई दबाब दिँदै आएका थिए ।
उमेरहदलाई लिएर नेतृत्वका आकांक्षीले कीर्तिपुरस्थित स्मृतिसभामा आयोजित सम्मेलनमै खुकुरी प्रदर्शन, कुर्सी तोडफोड लगायतका आपराधिक हर्कत गरेका थिए ।
यसलाई ढाकछोप गर्न प्राकृतिक विपद् देखाउँदै सम्मेलन स्थगित गरिएको छ । उप्रान्त कहिले सम्मेलन हुनेबारे निर्णय नभएको विद्यार्थी नेता नरेश रेग्मी बताउँछन् ।
अनिश्चितकालका लागि सम्मेलन स्थगित भएपछि आज (बिहीबार) बिहानै पार्टी अध्यक्ष प्रचण्डलाई भेट्न अध्यक्ष मण्डल खुमलटार पुगेको थियो ।
सम्मेलन सम्पन्न गर्न नसकिएको स्वीकार्दै प्रचण्डसँग अध्यक्ष मण्डलले याचना मागेको छ । उसले सकभर दशैँ–तिहर लगत्तै सम्मेलन सम्पन्न गर्ने बताएको छ ।
© 2026 All right reserved to khabarcnter.com | Site By : Sobij
