२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । निर्वाचन आयोगका प्रमुख आयुक्त र आयुक्तहरूले सात दिनको तलब काटेर प्रधानमन्त्री दैवी प्रकोप उद्धारकोषमा जम्मा गर्ने भएका छन् । उनीहरूले बाढीपहिरो पीडितहरूको राहतका लागि सात दिनको तलब काटेर उक्त कोषमा जम्मा गर्न लागेका हुन् ।
निर्वाचन आयोगका सह–सचिव एवं प्रवक्ता नारायणप्रसाद सापकोटाले विज्ञप्ति जारी गर्दै आयोगका प्रमुख आयुक्त र अन्य आयुक्तहरूको सात दिनको तलब प्रधानमन्त्री दैवी प्रकोप उद्धारकोषमा जम्मा गर्ने निर्णय गरेको बताएका हुन् ।
‘बाढी पहिरोबाट पुग्न गएको अकल्पनीय क्षतिबाट पीडितहरूलाई राहत प्रदान गर्न सहयोग पु¥याउनको लागि आयोगका माननीय प्रमुख आयुक्त र माननीय आयुक्तहरूको ७ (सात) दिनको पारिश्रमिक प्रधानमन्त्री दैवी प्रकोप उद्धारकोषमा जम्मा गर्ने निर्णय भएको छ,’ सापकोटाद्वारा हस्ताक्षर गरिएको विज्ञप्तिमा भनिएको छ ।
त्यस्तै आयोगकै सचिव, सह–सचिव लगायतका सम्पूर्ण कर्मचारीले स्वच्छिक रूपमा सहयोग तथा सहायता प्रदान गर्न आह्वान गर्ने निर्णय गरेको छ । विज्ञप्तिमा भनिएको छ, ‘आयोगका सचिव, सह–सचिव लगायत सम्पूर्ण कर्मचारीहरूलाई स्वेच्छिक रूपमा सहयोग तथा सहायता प्रदान गर्न आव्हान गर्ने निर्णय समेत भएको छ ।’
हेर्नुहोस् विज्ञप्ति :
© 2025 All right reserved to khabarcnter.com | Site By : Sobij
