२०८२ पौष ६ गते आइतवार
२०८२ पौष ६ गते आइतवार
बेइजिङ । चीनको एक प्राथमिक विद्यालयमा चक्कु प्रहार हुँदा पाँच जना घाइते भएका छन् । घाइतेहरूको उपचार भइरहेको बताइएको छ ।
पूर्वी चीनको जियाङ्सी प्रान्तको गुइक्सी शहरको एउटा प्राथमिक विद्यालयमा सोमबार उक्त घटना भएको समाचारमा उल्लेख छ ।
गत मे ७ मा युनान प्रान्तमा पनि यस्तै घटना भएको थियो । अस्पतालमा भएको घटनामा दुईजनाले ज्यान गुमाउनु परेको थियो । छुरा प्रहारबाट घाइते भएका अन्य २१ जनाको अस्पतालमा उपचार भइरहेको छ ।
चीनमा अधिकांश जनताका लागि व्यक्तिगत बन्दुक राख्नु गैरकानुनी मानिन्छ । यस्तोमा सार्वजनिक स्थलमा चक्कु प्रहारका घटना बढेका छन् ।
गतवर्ष अगस्टमा पनि युनानको आवासीय जिल्लामा एक मानसिक रोगीले केही व्यक्तिलाई छुरीले आक्रमण गरेका थिए । सो घटनामा दुई जनाको मृत्यु भएको थियो भने अन्य सात जना घाइते भएका थिए ।
यस्तै जुलाईमा पनि दक्षिणपूर्वी प्रान्त ग्वाङ्डोङको एउटा किन्डरगार्टेनमा छुरा प्रहारको घटना भएको थियो । यस घटनामा तीन बालबालिकासहित ६ जनाको मृत्यु भएको थियो ।
© 2025 All right reserved to khabarcnter.com | Site By : Sobij
