२०८२ भाद्र २ गते सोमवार
२०८२ भाद्र २ गते सोमवार
काठमाडौँ । एनआईसी एसिया बैंकले चैत मसान्तसम्ममा १ अर्ब ९१ करोड रुपैयाँ नाफा आर्जन गरेको छ ।
बैंकले सार्वजनिक गरेको चालु आर्थिक बर्षको तेस्रो त्रैमासिक वित्तीय विवरण अनुसार बैंकले १ अर्ब ९१ करोड ४८ लाख रुपैयाँ खुद नाफा आर्जन गर्न सफल भएको छ ।
बैंकको मुनाफा गत आवको यसै अवधीको तुलनामा ५२.३१ प्रतिशतले घटेको देखिएको छ । अघिल्लो वर्ष चार अर्ब एक करोड ४९ लाख रुपैयाँ खुद नाफा कमाएको थियो ।
हाल बैंकका चुक्ता पुँजी कूल १४ अर्ब ९१ करोड रुपैयाँ रहेको छ । बैंकको इम्पेरिमेन्ट चार्ज दुई अर्ब १४ करोड रुपैयाँ रहेको छ ।
यस्तैे, बैंकको निष्क्रिय कर्जा ०.८५ प्रतिशतबाट ३.०८ प्रतिशत पुगेको छ । गत वर्षको मुनाफाबाट २९ प्रतिशत बोनस शेयर वितरण गरी चुक्ता पूँजी १४ अर्ब ९१ करोड रुपैयाँ पुर्याएको यस बैंकको जगेडा कोषमा १५ अर्ब ७३ करोड रुपैयाँ सञ्चित छ ।
चैत मसान्तसम्ममा बैंकले ३ खर्ब २७ अर्ब १६ करोड रुपैयाँ निक्षेप संकलन गरी २ खर्ब ७७ अर्ब १८ करोड रुपैयाँ कर्जा लगानी गरेको छ । बैंकमा निक्षेप अघिल्लो वर्षको तुलनामा ५.०७ प्रतिशत र ऋण ५.८९ प्रतिशतले बृद्धि भएको छ ।
समीक्षा अवधीमा बैंकको प्रतिशेयर आम्दानी १७.१२ रुपैयाँ रहेको छ । त्यस्तै पिई रेसियो २२.८५, नेटवर्थ २०५.४७ रुपैयाँ रहेको छ । बैंकको सिडी रेसियो ८५.८१ प्रतिशत, बेस रेट ८.८६ र ब्याजदर अन्तर ३.९९ प्रतिशत रहेको छ ।
© 2025 All right reserved to khabarcnter.com | Site By : Sobij
