२०८२ भाद्र २ गते सोमवार
२०८२ भाद्र २ गते सोमवार
अस्ट्रेलिया सरकारले न्यु साउथ वेल्सका विशाल भूभागमा अविरल वर्षाका कारण बाढी आएर हजारौं मानिस भाग्न बाध्य भएपछि प्राकृतिक विपतको घोषणा गरेको छ ।
गत बिहीवारदेखि निरन्तर पानी परिरहँदा धेरै गाउँबस्तीहरू डुबेका छन् । शनिवार एक ठूलै बाँधमा पानी बढी भएर ओभरफ्लो भएपछि नदीको जलस्तर झनै बढेको छ र बाढी आएको छ ।
न्यु साउथ वेल्स सरकार र संघीय सरकारले सिड्नी नजिकको हन्टर भ्यालीदेखि कोफ्स हार्बरसम्म १६ वटा प्राकृतिक विपत घोषणाहरू गरेको न्यु साउथ वेल्सका आपतकालीन सेवा मन्त्री डेभिड इलियटले आइतवार सञ्चारकर्मीहरूलाई बताए । अहिलेसम्म मृत्युको खबर नआएको तर हताहतीको प्रबल सम्भावना रहेको उनले बताए ।
नदीको जलस्तर खतरनाक स्तरमा पुगेपछि केही परिवारहरू मध्यरातमा घर छोडेर भाग्न बाध्य भएका थिए । हक्सबरी क्षेत्रमा थप चार हजार मानिस आइतवार थातथलो छोडेर हिँड्नुपर्ने हुन सक्ने राज्यका मुख्यमन्त्री ग्लाडिस बेरेजिक्लियनले बताए । एजेन्सी
© 2025 All right reserved to khabarcnter.com | Site By : Sobij
