२०८२ माघ १२ गते सोमवार
२०८२ माघ १२ गते सोमवार
काठमाडौं । कानुन, न्याय तथा संसदीय मामिलामन्त्री पदम गिरीले अर्थतन्त्र चलायमान बनाउन, सुशासन कायम गर्न र विकास निर्माण गर्न सरकारको ध्यान केन्द्रित रहेको बताएका छन् ।
प्रेस चौतारीले पोखरामा गरेको कार्यक्रममा उनले भने, 'हाम्रो मुख्य ध्यान अर्थतन्त्रलाई चलायमान बनाउने, विकास निर्माण र सामाजिक सुधारका पक्षमा काम गर्नेमा छ ।
उनले थपे, 'भ्रष्टाचार अन्त्य गर्न खरो रूपमा उत्रनुपर्छ । यो सरकार सुशासन र समृद्धिमा केन्द्रित हुन्छ । नयाँ वर्षमा सबै नेपाली देशको अर्थतन्त्र बनाउने काममा जुट्नुपर्ने जरूरी छ ।'
संविधान कार्यान्वयनका लागि १ सय ८२ वटा कानुन अझै बनाउन बाँकी रहेको र त्यसमध्ये ६१ वटा कानुनलाई पहिलो चरणमा बनाउने गरी सरकारले तयारी गरिरहेको उनले बताए ।
'समयमै कानुन तयार नहुँदा जनतामा संघीयता नै निस्प्रभावी भयो भन्ने भ्रम उत्पन्न भइरहेको छ । सघीयता र संविधान कार्यान्वयनका लागि चाहिने नीति बनाउनुपर्नेछ,' उनले भने, 'डिजिटल प्लेटफर्म बनाएर नागरिकका विचार संकलन गर्ने हाम्रो योजना छ ।'
© 2026 All right reserved to khabarcnter.com | Site By : Sobij
