२०८२ भाद्र २ गते सोमवार
२०८२ भाद्र २ गते सोमवार
शिक्षक दृष्टिविहीन भएकै कारण विद्यालयमा पदस्थापन हुन नसके पछि आमरण अनसनमा बसेकी छन् । पोखरा २० कास्कीकी शिक्षक शोभा पौडेल आफू पूर्ण दृष्टिविहीन भएकोले पोखरा महानगरपालिका भित्र पायक पर्ने विद्यालयमा पदस्थापन गर्न माग गर्दै आमरण अनसनमा बसेकी हुन् ।
२०७९ माघ २३ गते शिक्षक सेवा आयोगको परीक्षा उत्तीर्ण गरेकी उनलाई लमजुङ जिल्लाको दोर्दी गाउँपालिकाको विद्यालयमा हाजिर हुनेगरी नियुक्ति गरिएपछि विद्यालय जान आउन कठिन भएकोले पोखरा महानगरपालिका भित्र पहुँचयुक्त र पायक पर्ने विद्यालयमा पदस्थापनको माग गर्दै आमरण अनसनमा बसेकी छन् ।
उक्त विद्यालय दोर्दी गाउँपालिकाको अति विकट ठाउँमा रहेको र पौडेल पूर्ण दृष्टिविहीन भएकाले विद्यालयमा एक्लै जान आउन नसक्ने हुँदा पायक पर्ने कुनै विद्यालयमा पदस्थापन माग गरेकी छन् ।
२०७९ माघ २३ गते शिक्षक सेवा आयोगको परीक्षा उत्तीर्ण गरे पनि ८ महिनासम्म अन्य पायक पर्ने विद्यालय पदस्थापन गरीदीन भन्दै विभिन्न निकाय धाउँदा पदस्थापन नभएपछि आमरण अनसनमा बसेकी हुन् । विद्यालयले उनलाई काम गर्न गाह्रो हुन्छ भनेर गाउँपालिकालाई अन्यत्र व्यवस्थापन गर्न लिखित अनुरोध गरेको थियो ।
गाउँपालिकाबाट जिल्ला, प्रदेश हुँदै मन्त्रालय सम्म पुग्दा पनि उनको पदस्थापन हुन सकेन । शिक्षक पौडेलले पदस्थापन गरी हाजिर हुने ठाउँ नपाएपछि असोज १४ गतेदेखि शिक्षा विकास तथा समन्वय इकाई कास्की र प्रदेश शिक्षा निर्देशनालय गण्डकीको गेटमा आमरण अनसन सुरु गरेकी छन् ।
© 2025 All right reserved to khabarcnter.com | Site By : Sobij
