२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । प्रधानमन्त्री पुष्पकमल दाहाल प्रचण्डको चीन भ्रमणका भएका सम्झौता र समझदारीहरु समेत समेटेर नेपाल–चीन संयुक्त वक्तव्य जारी भएको छ। सार्वजनिक संयुक्त व्यक्तव्यमा बेल्ट एण्ड रोड इनिसियटिभ (बीआरआई) परियोजना कार्यान्वयनलाई छिटै अन्तिम रुप दिने प्रतिबद्धता जनाइएको छ ।
सोमबार बेइजिङमा प्रधानमन्त्री प्रचण्ड र उनका चिनियाँ समकक्षी लि छ्याङबीच द्विपक्षी भेटवार्ता भएको थियो। द्विपक्षीय भेटवार्तामा दुई देशबीच सडक, रेल, उर्जा लगायतका पूर्वाधारको विकासमा सहकार्य गर्ने सहमति भएको थियो।
मंगलबार जारी भएको संयुक्त वक्तव्यमा चीन सरकार नेपालीलाई रेल सम्बन्धी तालिम दिन तयार भएको छ । चीन सरकार नेपालीलाई रेल सम्बन्धी तालिम दिन तयार भएको छ । केरुङ–काठमाडौँ रेलवेको सम्भाव्यता अध्ययनको प्रगतिमा दुवै पक्ष सन्तुष्ट रहेको र नेपाल(चीन रेलवे सहयोग सम्बन्धी आठौं बैठक जतिसक्दो चाँडो आयोजना गर्ने योजना बनाइएको पनि संयुक्त वक्तव्यमा उल्लेख छ ।
यसैगरी चिनियाँ पक्षले लिजी–नेचुङ बन्दरगाहमा नेपाली पक्षको सुविधाका लागि आवश्यक सुधार गर्ने सहमति पनि भएको छ । नेपाल(चीन सीमा व्यापारका नाकाहरु चाँडै खोल्न चीन सहमत भएको छ । चेन्ताङ–किमाथाङ्का र रिबु–ओलाङचुङगोला बन्दरगाहलाई खुलाउन सम्वाद जारी राख्न दुवै पक्ष सहमत भएका छन् ।
नेपाललाई भूपरिवेष्ठित मुलुकबाट भूजडित मुलुकमा परिणत गर्न चीनको पारवहन यातायात र राजमार्गको उपयोग सम्बन्धमा विगतमा हस्ताक्षर गरिएका सहयोग सम्बन्धी दस्तावेज कार्यान्वयनलाई निरन्तरता दिन दुवै पक्ष सहमत भएका छन् ।
नेपाल र चीन पोखरा अन्तर्राष्ट्रिय विमानस्थलको निर्माण सम्पन्न र सन्चालमा आएकोमा सन्तोष व्यक्त गरेका छन् । साथै आफ्ना एयरलाइन्सहरुलाई थप उडान गर्न र हवाई मार्गहरु खुलाउन दुवै पक्ष सहमत भएका छन् ।
यस्तो छ संयुक्त वक्तव्यः
© 2025 All right reserved to khabarcnter.com | Site By : Sobij
