२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । पूर्वअर्थमन्त्री जनार्दन शर्माले सरकारले संरचनागत सुधार नगरे नेपालमा सजिलै वैदेशिक लगानी आउन नसक्ने बताएका छन्।
काठमाडौंमा बिहीवार आयोजित एक कार्यक्रममा पूर्वअर्थमन्त्री शर्माले नेपालमा लगानीका प्रशस्त सम्भावना भए पनि लगानीका सम्भावनालाई परिचालन गर्न नसकेको बताए।
उनले नेपालमा आर्थिक दृष्टिकोणले हेर्दा लगानीको अभाव महसुस भइरहेको बताए। उनले सरकारले आर्थिक कूटनीतिक क्षेत्रमा मिहिनेत र प्रयास नगर्दा सरकारका संरचनाले आवश्यकताको आधारमा काम गर्न नसकेको बताए। उनले मुलुकको संरचनागत सुधार आजको आवश्यकता भएको दाबी गरे।
पूर्वअर्थमन्त्री शर्माले मुलुकमा भारत, चीन, अमेरिकाको लगानी आइरहेको भन्दै उक्त लगानी नेपालको प्रयासले भन्दा पनि ती देशको आर्थिक कूटनीतिक नीतिको कारण प्राप्त गरिरहेको बताए। उनले वैदेशिक लगानी ल्याउन नेपालले प्रयासलाई बढाउनुपर्ने आवश्यकता रहेको उल्लेख गरे।
उनले वैदेशिक लगानी ल्याउँदा पनि नेपाल सरकारलाई चुनौती रहेको बताए। उनले नेपालको अर्थकूटनीतिक कमजोर हुँदा एक देशले नेपालमा लगानी गर्दा अर्को देश सशंकित हुने अवस्था रहेको बताए। उनले वैदेशिक लगानी पनि नेपालमा समस्याको रुपमा देखिने गरेको बताए।
उनले सरकारले आर्थिक रुपमा समृद्धि ल्याउन संरचनागत सुधार र स्थिर राजनीतिक आवश्यक रहेको बताए। उनले अस्थिर राजनीतिक भएसम्म आर्थिक वृद्धि हुन नसक्ने बताए।
© 2025 All right reserved to khabarcnter.com | Site By : Sobij
