काठमाडौँ । नेपालले गत आर्थिक बर्ष २०७९/८० को असार मसान्तसम्म साढे ३ अर्ब रुपैयाँ बराबरको छुर्पी निर्यात गरेको छ । भन्सार विभागले सार्वजनिक गरेको आर्थिक वर्ष (आव) २०७९/८० को तथ्याङ्क अनुसार असार मसान्तसम्म नेपालले ३ अर्ब ४० करोड ९० लाख ७३ हजार रुपैयाँ बराबरको १७ लाख ८६ हजार ११२ किलो छुर्पी निर्यात गरेको हो । 

गत आर्थिक बर्षमा नेपालबाट सबैभन्दा धेरै छुर्पी अमेरिकामा निर्यात भएको छ । नेपालको सबैभन्दा ठूलो छुर्पीको निर्यात भने अमेरिकामा हुन्छ । गत आर्थिक बर्षमा अमेरिकामा मात्रै २ अर्ब ९६ करोड ७६ लाख २६ हजार रुपैयाँ बराबरको १५ लाख २६ हजार ४४३ किलो छुर्पी निर्यात भएको छ । जुन नेपालबाट निर्यात भएको परिणममा सबैभन्दा धेरै हो । 

त्यस्तै, क्यानडाले २९ करोड ४२ लाख ३५ हजार मूल्यको १ लाख ४४ हजार५३२ किलो छुर्पी खरिद गरेको भन्सार विभागको तथ्याङ्क छ ।

यसैगरी बेलायतले ३ अर्ब ९३ लाख ५६ हजार रुपैयाँ बराबरको १७ हजार १७९ किलो, हङ्कङले १ अर्ब २५ करोड २४ लाख बराबरको ५१ हजार ४७५ किलो, सिङ्गापुरले १ करोड १४ लाख ४७ हजार रुपैयाँ बराबरको ६ हजार १८८ किलो र दक्षिण कोरियाले ३ करोड ४४ लाख ९६ हजार रुपैयाँ बराबरको  १४ हजार ५६२ किलो नेपाली छुर्पी खरिद गरेको छ । 

नेपालबाट गत आर्थिक बर्षमा विभिन्न २७ देशहरूमा छुर्पी निर्यात भएको छ । गत आवमा नेपालबाट अमेरिका, क्यानडा, हङकङ, जापान, बेलायत, दक्षिण कोरिया, सिंगापुर, चीन, नेदरल्याण्ड, ताइवान, मलेसिया, यूएई, थाइल्याण्ड, फिनल्याण्ड, ग्रीस, फिलिपिन्स, स्पेन, स्लोभाकिया, इटली, भियतनाम, ब्राजिल, पोल्याण्ड, बेलारुस, जर्मनी, पोर्चुगल, न्यूजिल्याण्ड र फ्रान्स गरि विभिन्न २७ देशहरूमा निर्यात भएको छ । 

यस्तै, गत आर्थिक बर्षमा नेपालबाट  निर्यात भएको छुर्पीको परिणमा हेर्ने हो भने ४ देशहरूमा एउटै परिणमा छुर्पी निर्यात भएको छ । मलेसिया, यूएई, थाइल्याण्ड र फिनल्याण्डमा नेपालबाट एउटै परिणमा छुर्पी निर्यात भएको हो । 

मलेसिया, यूएई, थाइल्याण्ड र फिनल्याण्डमा क्रमशः १ हजार ७ सय ६२, १ हजार ७ सय ६, १ हजार ७ सय र १ हजार ६ सय ८० किलो छुर्पी निर्यात भएको छ । उक्त परिणमा बराबरको छुर्पि निर्यातबाट नेपालले क्रमशः ४२ लाख ५९ हजार, ४४ लाख ७५ हजार, ११ लाख १० हजार र ६५ हजार आम्दानी पनि गरेको छ । 

गत आर्थिक बर्षमा नेपालबाट सबैभन्दा कम छुर्पी फ्रान्समा निर्यात भएको छ । गत आर्थिक बर्ष असार मसान्तसम्ममा फ्रान्समा ६ हजार २०० रुपैयाँ बराबरको २० किलो छुर्पी निर्यात भएको छ । जुन नेपालबाट निर्यात भएको परिणममा सबैभन्दा कम हो ।