२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । गत आर्थिक वर्ष २०७९/०८० को असार मसान्तसम्ममा ४ हजार ५० विद्युतीय सवारी साधन आयात भएको छ । भन्सार विभागले सार्वजनिक गरेको तथ्याङ्क अनुसार गत आर्थिक बर्षको असार मसान्तसम्ममा ४ हजार ५० विद्युतीय सवारी साधन नेपालले आयात गरेको हो ।
एक वर्षको अवधिमा मुलुकमा चार हजारभन्दा बढी विद्युतीय गाडी आयात गर्दा करीब १२ अर्ब रुपैयाँ बाहिरिएको छ । गत आर्थिक वर्षको तथ्यांक अनुसार १ वर्षमा ११ अर्ब ८४ करोड ८५ लाख ५ हजार रुपैयाँ बराबरको ४ हजार ५० वटा विद्युतीय गाडी आयात भएको छ।
विभागले सार्वजनिक गरेको असार महिनासम्मको तथ्यांकअनुसार विद्युतीय गाडीको आयात बढेको देखिन्छ । तथ्यांकअनुसार, असारमा मात्रै एक सय ८० वटा विद्युतीय गाडी नेपाल भित्रिएको छ ।
उक्त विद्युतीय गाडी आयातबाट सरकारले तीन अर्ब ३० करोड ८४ लाख ८७ हजार रुपैयाँ बराबर राजश्व संकलन गरेको तथ्यांकमा उल्लेख गरिएको छ । विभागको तथ्यांकअनुसार, असार महिनामा मात्रै एक सय ८० वटा विद्युतीय गाडी नेपाल भित्रिएको छ ।
त्यस्तै, गत आर्थिक वर्षमा विद्युतीय सवारी साधनमा व्यवस्था गरेको नीतिले १० अर्ब ७८ करोड ८७ लाख रुपैयाँको ५० किलोवाटसम्मको ३७ सय ५९ वटा गाडी, ९४ करोड ६१ लाख रुपैयाँको ५१ किलोवाटदेखि १०० किलोवाटसम्मको २७२ वटा, ७ करोड ९७ लाख रुपैयाँको १०१ देखि २०० किलोवाटसम्मको १५ वटा र २ करोड ६२ लाख रुपैयाँको २०१ देखि ३०० किलोवाटसम्मको ४ वटा गाडी आयात भएका छन् ।
गत आर्थिक वर्ष २०७९/०८० को जेठ महिनासम्म कति ?
सरकारले गत चालु आर्थिक वर्ष २०८०/०८१ को जेठ १५ गतेको बजेट सार्वजनिक गर्नु अगाडि उल्लेख्य मात्रामा विद्युतीय गाडी भित्रिएको थियो । गत जेठ महिनासम्म विभिन्न भन्सार नाका हुँदै ३ हजार ८ सय ७० विद्युतीय सवारी साधन नेपाल भित्रिएको थियो ।
जेठ महिनासम्ममा ३ हजार ८ सय ७० विद्युतीय कार, भ्यान, जिप आयात भएको हो । उक्त समयमा ११ अर्ब २३ करोड ७३ लाख ९२ हजार रुपैयाँको गाडी बढी आयात भएको भन्सार विभागको तथ्यांकमा उल्लेख गरिएको छ ।
© 2025 All right reserved to khabarcnter.com | Site By : Sobij
