२०८२ भाद्र १६ गते सोमवार
२०८२ भाद्र १६ गते सोमवार
काठमाडौं । यो जति पनि कुरा आइरहेको छ, त्यो सबै मिडियाबाट आइरहेको छ । हामीले यो विषयमा केही पनि बोलेका छैनौं । त्यसैले, अहिले कथामा काम भैरहेको छ । अहिले नै यो विषयमा बोल्नु ठिक हुँदैन जस्तो लाग्छ,’ यो भनाई अभिनेता पल शाहको हो । नयाँ फिल्म आउँदै गरेको विषयमा पलले यसो भनेका हुन् ।
एक वर्ष जेल जीवन बिताएर फर्किएका अभिनेता पल शाह म्युजिक भिडियोमा व्यस्त छन् । व्यस्तभन्दा पनि आएका काम गर्दैछन् । सार्वजनिक कार्यक्रममा पनि उनको बाक्लै उपस्थिति छ, वर्खा लाग्नु अघिसम्म मेला–महोत्सवमा पनि उनी व्यस्तै थिए ।
यही क्रममा उनको फिल्मको कमब्याकलाई लिएर विभिन्न चर्चा भैरहेको छ । यस्तोमा उनले माथि उल्लेखित जवाफ दिएका हुन् । म्युजिक भिडियोमा अत्यन्त व्यस्त रहे पनि उनले अभिनय गरेका भिडियोको भ्युजले उनी स्वयं सन्तुष्ठ नहुनु पर्ने हो । हुन त अचेल यूट्युबको भ्युज टिकटकतिर सरेको छ भन्ने तर्क भिडियो निर्माता–निर्देशकहरुको हुने गर्छ ।
विगतमा उनीसंगै काम गरेका को–एक्टरले पनि यसपटक उनीसंग सहकार्य गर्न खासै रुचाएको देखिएको छैन । जेलमै स्क्रिप्ट बोकेर पुगेका फिल्मकर्मीदेखि उतै हुँदा पललाई फाइनल गरेका फिल्मकर्मीको फिल्म कता पुग्यो, टुंगो छैन !
© 2025 All right reserved to khabarcnter.com | Site By : Sobij
