२०८२ भाद्र १२ गते बिहिवार
२०८२ भाद्र १२ गते बिहिवार
काठमाडौँ । नेपाल इन्भेष्टमेन्ट मेगा बैङ्क लिमिटेडले लुम्बिनी प्रदेशमा थप एक नयाँ एक्सटेनस काउन्टर सञ्चालनमा ल्याएको छ । बैङ्कले आइतबारदेखि अर्घाखाँची जिल्ला छत्रदेव गाउँपालिका वडा नम्बर २ स्थित बल्कोटमा नयाँ एक्सटेन्सन काउन्टर सञ्चालनमा ल्याएको हो ।
यो सँगै लुम्बिनी प्रदेशमा बैङ्कको ४ वटा एक्सटेन्सन काउन्टरहरू भएका छन् । छत्रदेव गाउँपालिकाका अध्क्षय चन्द्रमान श्रेष्ठ र बैङ्कका अर्घाखाँची शाखा प्रमुख लक्ष्मण क्षेत्रीले संयुक्त रूपमा एक्सटेन्सन काउन्टरको उद्घाटन गरे । कार्यक्रमा बोल्दै श्रेष्ठले आर्थिक कारोबार अब बैङ्कमार्फत नै हुने भएकाले त्यस क्षेत्रका बासिन्दाहरूलाई सहज हुने बताए ।
कार्यक्रममा छत्रदेव गाउँपालिकाका वडा नम्बर २ का वडा अध्यक्ष शंखर पाण्डे, सोही वडाका पूर्व वडा अध्यक्ष राजेश कुमार पन्थी, वडा नम्बर ३ का वडा अध्यक्ष तेज प्रसाद खनाल लगायत स्थानीय बुद्घिजिवी तथा सर्वसाधारणको बाक्लो उपस्थिति रहेको थियो ।
उक्त कार्यक्रमा उपस्थित अतिथिहरूले बैङकिङ सेवाको पहुँच बाहिर रहेको बल्कोट तथा आसपास क्षेत्रमा बसोबास गर्ने सेवाग्राही तथा उद्योग व्यवसायीहरूलाई बैङ्किङ सुविधा सहज रूपमा उपलब्ध हुने बताए ।
बैङ्कका अर्घाखाँची शाखा प्रमुख क्षेत्रीले सेवाग्राहीहरूलाई एक्सटेन्सन काउन्टरमार्फत बैङ्कले प्रभावकारी सेवा दिइने बताए । एक्सटेन्सन काउन्टरमार्पmत सेवा र सञ्जाल विस्तार गर्ने बैङ्कको नीति अनुरूप बैङ्कले यसअघि पनि विभिन्न स्थानहरूमा एक्सटेन्सन काउन्टरहरू विस्तार गरिसकेको छ । हाल बैङ्कले २९६ शाखा कार्यालय र ६२ वटा एक्सटेन्सन काउन्टर मार्फत सुविधा दिँदै आएको छ ।
© 2025 All right reserved to khabarcnter.com | Site By : Sobij
