२०८२ आश्विन २७ गते सोमवार
२०८२ आश्विन २७ गते सोमवार
काठमाडौँ। जनता समाजवादी पार्टी (जसपा) नेपालका अध्यक्ष उपेन्द्र यादवले नेपाल समाजवादी पार्टीका अध्यक्ष डा.बाबुराम भट्टराईलाई एक्लै हिँड्ने बानी परेको टिप्पणी गरेका छन् । सोही कारण उनी समाजवादी मोर्चामा नआएको आफ्नो बुझाइ रहेको यादवको भनाइ छ ।
यादवकै अनिच्छाका कारण भट्टराई मोर्चामा सहभागी नभएको टिप्पणी भई रहेको बेला बिहीबार पार्टी कार्यालयमा आयोजित पत्रकार सम्मेलनमा यादवबाट यस्तो धारणा आएको हो ।
समाजवादी मोर्चा गठनका लागि भएको छलफलमा भट्टराई कहिले पनि उपस्थित नभएको उनले जिकिर गरे । मोर्चा गठनमा भट्टराईको कुनै योगदान नरहेको दाबी गरे । उनले भट्टराई कसरी छुटे भन्नेबारे उनलाई नै थाहा हुने कुरा भएको प्रतिक्रिया समेत दिए ।
मोर्चामा रहेका कुनै दलबीच एकीकरण हुन सक्ने भएपनि मोर्चा नै दलको रुपमा भने नआउने यादवले स्पष्ट पारे । उनले साझा मुद्दामा मोर्चाले काम गर्ने पनि बताए ।
पत्रकार सम्मेलनका क्रममा यादवले असार १० गते पार्टीको विधान अधिवेशन सुरु हुने जानकारी गराए । तीन दिनसम्म चल्ने अधिवेशनमा एक हजार प्रतिनिधि सहभागी हुने यादवले जानकारी गराए । पार्टीको विधान मस्यौदा तयार भइसकेको छ ।
© 2025 All right reserved to khabarcnter.com | Site By : Sobij
