२०८२ माघ १० गते शनिवार
२०८२ माघ १० गते शनिवार
गोरखा । गोरखाको बारपाक सुलिकोट गाउँपालिका–१ बारपाकमा एकै परिवारका तीन जना सुतेकै ठाउँमा मृत भेटिएका छन् ।
बारापाक सुलिकोट गाउँपालिका–१ बारपाक स्थित धामी तोराङमा गएराती एउटै घरमा सुतेका १ पुरुष र २ महिला मृतावस्थामा भेटिएको जिल्ला प्रहरी कार्यालय गोरखाका प्रमुख प्रहरी उपरीक्षक (एसपी) सुरेन्द्रबहादुर गुरुङले जानकारी दिए ।
मृतावस्थामा भेटिनेहरुमा ८४ बर्षका दिलबहादुर गुरुङ, उहाँकी बुहारी २२ बर्षकी आईतकुमारी गुरुङ र १३ बर्षिया नातिनी (छोरीकी छोरी) उषा गुरुङ रहेको गुरुङले बताए । बिहान अबेरसम्म पनि घरको ढोका नखुलेपछि संगैको छिमेकीले भित्र गएर हेर्दा तिनै जना मृतावस्थामा देखेपछि स्थानीयले प्रहरीलाई खबर गरेका थिए ।
अहिले घटनास्थलमा बारपाक प्रहरी चौकीबाट प्रहरी पुगेको छ । इलाका प्रहरी कार्यालय जौबारीबाट थप प्रहरी परिचालन गरी घटनाको अनुसन्धान भइरहेको प्रहरीले जनाएको छ ।
मृत्तक सबैको मुखबाट फिँज बगिरहेको पाइएकाले बिषालु च्याउँ खाएका कारण मृत्यु भएको हुनसक्ने स्थानीयले आंशका गरेका छन् ।
© 2026 All right reserved to khabarcnter.com | Site By : Sobij
