२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौं । नेपाल स्टक एक्सचेञ्ज (नेप्से) मा थप पाँच कम्पनीको बोनस सेयर सूचीकृत भएको छ । यो साता अर्थात जेठ १४ गतेदेखि १८ गतेको बीचमा पाँच कम्पनीको १ करोड २९ लाख ८३ हजार २९४.३५ कित्ता बोनस सेयर सूचीकृत भएको हो ।
नेप्सेमा सपोर्ट लघुवित्त वित्ती संस्था लिमिटेडको ११ प्रतिशत बोनस बापतको ९४ हजार ३८० कित्ता, मिथिला लघुवित्तको १५ प्रतिशत बोनस बापतको २ लाख ५५ हजार ६५५.७७ कित्ता र स्वरोजगार लघुवित्तको २२ प्रतिशत बोनस बापतको ११ लाख ३१ हजार १८.०७ कित्ता बोनस सेयर सूचीकृत भएको छ ।
त्यस्तै, प्रभु इन्स्योरेन्सको ६.७० प्रतिशत बोनस बापतको ८ लाख ६४ हजार १०६.७६ कित्ता र हाइड्रोइलेट्रिसिटि इन्भेष्टमेन्ट एण्ड डेभलपमेन्टको ५ प्रतिशत बोनस बापतको एक करोड ६ लाख ३८ हजार १३३.७५ कित्ता बोनस सेयर सूचीकृत भएको छ ।
पाँच वटै कम्पनीले गत आर्थिक वर्षको मुनाफाबाट आफ्ना सेयरधनीहरुलाई वितरण गरेको बोनस सेयर नेप्सेमा सूचीकृत भएको हो । अब उक्त बोनस हितग्राही खातामा जम्मा भएपछि मात्र सेयरधनीहरुले खरिद बिक्री गर्ने पाउनेछन् ।
© 2025 All right reserved to khabarcnter.com | Site By : Sobij
