२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । सरकारले गत आर्थिक वर्ष २०७८/७९ मा सार्वजनिक संस्थानबाट ६ अर्ब १६ करोड रुपैयाँ लाभांश प्राप्त गरेको छ।
अर्थमन्त्री डा.महतले आजै सार्वजनिक संस्थानको वर्तमान कार्यसम्पादनको अवस्था, वित्तीय अवस्था र समस्या तथा चुनौतीको विश्लेषण सहितको प्रतिवेदन पनि प्रतिनिधिसभामा पेस गरेका छन् ।
“विगतमा सार्वजनिक संस्थानले मुलुकको आर्थिक सामाजिक तथा पूर्वाधार विकासमा महत्वपूर्ण भूमिका निर्वाह गरेको भए पनि समयक्रममा खासगरी सञ्चालन एवम् व्यवस्थापनमा देखा परेका कमि कमजोरीका कारण समग्र वित्तीय स्थिति सन्तोषजनक नरहेको अवस्था छ”, अर्थमन्त्री महतले भने ।
उनका अनुसार नेपाल सरकारको लगानी रहेका ४४ वटा सार्वजनिक संस्थानमध्ये २५ वटा नाफामा छन् र सार्वजनिक संस्थानमा सरकारको शेयर तथा ऋण लगानी गत असार मसान्तसम्ममा रू छ खर्ब १८ अर्ब पुगेको छ ।
गत आर्थिक वर्षमा सरकारले सार्वजनिक संस्थानबाट रू छ अर्ब १६ करोड बराबरको लाभांश लिएको छ । जुन लगानीको एक प्रतिशत बराबर मात्रै हो ।
‘प्रभावकारी रुपमा सञ्चालन गर्न नसकिने र सार्वजनिक रुपमा राखिरहन आवश्यक नभएकाहरूको पहिचान गरी थप पुँजी प्रविधि र सक्षम व्यवस्थापनको लागि निजी क्षेत्रबाट सञ्चालन गर्न आवश्यक देखिएको छ,’ महतले बताए । सार्वजनिक क्षेत्रमै रहन आवश्यक देखिएकाहरूको पनि संरचनात्मक सुधारको खाँचो भएको उनले बताए।
© 2025 All right reserved to khabarcnter.com | Site By : Sobij
