२०८२ भाद्र ३ गते मंगलवार
२०८२ भाद्र ३ गते मंगलवार
धादिङ । धादिङमा बस दुर्घटना भएको छ । धादिङवेशी सल्यानटार सडक खण्ड अन्तर्गत नीलकण्ठ नगरपालिका-८ पाल्पा भन्ज्याङ नजिक यात्रुबाहक बस दुर्घटना भएको हो ।
दुर्घटनामा परी ८ जना यात्रु घाइते भएको प्रहरीले जनाएको छ । ज्वालामुखी गाउँपालिकाको वडा नं ६ काउलेडाँडाबाट धादिङवेशीतर्फ जादैँ गरेको बा ४ ख ४१५२ नम्बरको बस दुर्घटना भएको हो ।
घटनामा ज्वालामुखी गाउँपालिका वडा नं ७ की हरिमाया गुरुङ, ज्वालामुखी गाउँपालिकाकै वडा नं ६ का विकास श्रेष्ठ, रिदम नगरकोटी, यम श्रेष्ठ, सिता मानन्धर, सीमा मानन्धर, लक्ष्मी गुरुङ, अनन्य लिम्वु घाइते भएका छन् ।
बसका चालकलाई प्रहरीले नियन्त्रणमा लिएको छ । घटनाको थप अनुसन्धान भइरहेको प्रहरीले जनाएको छ ।
© 2025 All right reserved to khabarcnter.com | Site By : Sobij
