एनएमबि बैंकको ऋणपत्रमा आवेदन दिने आज अन्तिम दिन

चैत्र २४, २०७९ शुक्रवार

1.9K

एनएमबि बैंकको ऋणपत्रमा आवेदन दिने आज अन्तिम दिन

एनएमबि बैंकको ऋणपत्रमा आवेदन दिने आज चैत २४ गते अन्तिम दिन हो । लगानीकर्ताले आज कार्यालय समयभित्र यसमा आवेदन दिनुपर्नेछ । एनएमबि बैंकले चैत २१ गतेदेखि ४ अर्ब रुपैयाँ बराबरको ऋणपत्र बिक्री खुला गरेको हो ।

बैंकले प्रतिइकाई १ हजार रुपैयाँको दरमा ४० लाख इकाई ऋणपत्र बिक्री खुला गरेको हो । यसमध्ये २४ लाख इकाई बैंकले आफ्नै पहलमा अन्य संघसंस्थालाई बिक्री गर्नेछ ।

बाँकी १६ लाख इकाई सर्वसाधारणका लागि बिक्री खुला भएको हो । सर्वसाधारणमा बाँडफाँट गरिने ऋणपत्रमध्ये ८० हजार कित्ता ऋणपत्र सामूहिक लगानी कोषहरुका लागि छुट्याइएको थियो । जसमध्ये ४५ हजार कित्ता ऋणपत्र बाँडफाँट गरिएको छ । एनएमबि बैंकले १० वर्ष अवधिको ‘एनएमबि डिबेन्चर १०.७५% – २०८९÷९०’ जारी गरेको हो । यसमा वार्षिक १०.७५% ब्याजदर दिने बैंकले जानकारी दिएको छ ।

बिक्री प्रबन्धकको काम एनआइबिएल एस क्यापिटल गरेको छ । न्यूनतम २५ इकाईदेखि अधिकतम १६ लाख इकाईसम्म आवेदन दिन सकिनेछ । यसमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ ।

प्रकाशित मिति :चैत्र २४ २०७९ शुक्रवार - १३:१६:३५ बजे

प्रतिक्रिया