२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । नेपाल उद्योग वाणिज्य महासंघको निर्वाचनमा त्रिपक्षीय भिडन्त हुने निश्चित भएको छ । महासंघको यही चैत २८ र २९ गते काठमाडौंमा साधारण सभा तथा निर्वाचन हुँदैछ । उक्त निर्वाचनपछि महासंघको २०औँ अध्यक्षकारुपमा हालका वरिष्ठ उपाध्यक्ष चन्द्रप्रसाद ढकाल आउनेछन् । महासंघको विधानमा वरिष्ठ उपाध्यक्ष स्वतः अध्यक्ष बन्ने प्रावधान छ ।
सोहीअनुसार वरिष्ठ उपाध्यक्ष पदमा ३ जना व्यवसायी उम्मेदवार बनेका छन् । उनीहरुले प्यानल नै बनाएर उम्मेदवारी दर्ता गरेसँगै महासंघको चुनाव रोचक बन्ने देखिएको छ । सुरुमा वरिष्ठ उपाध्यक्षमा ४ जनाले आकांक्षा देखाएका थिए । तर, अन्तिम समयमा आएर जिल्ला नगरतर्फका उपाध्यक्ष दिनेश श्रेष्ठले उमेशलाल श्रेष्ठलाई साथ दिने निर्णय गरेसँगै ३ जनाबीच भिडन्त पक्का भएको हो । जसअनुसार उमेशलाल श्रेष्ठ, अन्जान श्रेष्ठ र रामचन्द्र संघई महासंघको वरिष्ठ उपाध्यक्ष पदमा उम्मेदवारी दिएका छन् ।
उमेशलाल श्रेष्ठ क्वेस्ट फर्मासिटिकल्सका प्रबन्ध निर्देशक हुन् भने अन्जान श्रेष्ठ लक्ष्मी समूहका कार्यकारी निर्देशक हुन् । यस्तै, रामचन्द्र संघई त्रिवेणी समूहका निर्देशक हुन् ।
© 2025 All right reserved to khabarcnter.com | Site By : Sobij
