२०८२ भाद्र ७ गते शनिवार
२०८२ भाद्र ७ गते शनिवार
काठमाडौं । उपसचिव सरुवामा मच्चिएको बन्डरसमेत मत्थर नहुँदै सरकारले तीन दर्जन बढी सहसचिव सरुवाको तयारी गरेको छ ।
सङ्घीय मामिला तथा सामान्य प्रशासन मन्त्रालयले मङ्गलवार (आजै) सरुवा निर्णय गर्न लागेको स्रोतले जानकारी दिएको छ ।
महिना दिन लामो रस्साकस्सी पछि हिजै मात्र सचिव सरुवा सार्वजनिक भए पनि सबैले अझै चिठी बुझ्न नसकिरहँदा त्यति नै बेलादेखि सुरु गरिएको सहसचिवको चर्चा आज मात्रै टुङ्ग्याउन थालिएको स्रोतको भनाई छ ।
सम्भवतः ५ बजेभित्र सूची सार्वजनिक गर्ने तयारीमा मन्त्रालय छ, ती अधिकारीले भने, प्रशासनिक र राजनैतिक शक्तिकेन्द्रका दबाबले को कहाँ हुन्छ पछि नै थाहा हुन्छ । अहिलेको सरुवालाई चुनावी तालमेलसँग मिलाउन खोजिएको भनिए पनि चुनाव नै हुने कि नहुने निश्चित नहुँदा महिना दिन अघि तयार पारिएको सूची पछि पछि भन्दै सारिँदै आइएको थियो ।
त्यसो त उपसचिव सरुवामा मच्चिएको बबन्डरसमेत मत्थर भएको छैन । तालिममै रहेको बेला केही ग्रुपहरूले तयार पारेको सुचीअनुसार एक पटकसमेत नसोधी पदस्थापन तथा काज सरुवा गरिएको भन्दै कैयन् उपसचिवहरूले आपत्ति जनाएका छन् । त्यसैको रापले सङ्घीय मामिला तथा सामान्य प्रशासन मन्त्री गणेशसिंह ठगुन्ना र सचिव एकनारायण अर्याललगायत उच्च कर्मचारीको टसल सतहमै देखिएको छ ।
© 2025 All right reserved to khabarcnter.com | Site By : Sobij
