जसअनुसार यी कम्पनीहरुको करयोग्य रकम नै ८८ अर्ब २६ करोड रहेको थियो । यो करयोग्य रकमबाट राज्यलाई २२ अर्ब ६ करोड आउनुपर्ने थियो, जसबाट १४ अर्ब ८७ करोड छुट दिइएको हो । ययसबाट राज्यकोषमा जम्मा सात अर्ब १९ करोड रुपियाँ प्राप्त भएको छ ।
यसैगरी, महानगरपालिका, नगरपालिका र उपमहानगरपालिका सञ्चालित सहकारीहरुलाई निर्धारण गरिएको कर एकाएक विना कारण घटाउँदा चालु आर्थिक बर्षको पहिलो छ महिनामै चार अर्ब १५ करोड रुपियाँ नोक्सान भएको छ । यसमा महानगरमा सञ्चालित दुई हजार ४९८, उपमहानगरपालिकामा सञ्चालित १० हजार ४१० र नगरपालिकामा १० हजार २१७ वटा सहकारीले लाभ लिएका छन् ।
आयकर ऐन २०५८ को दफा ६४ को उपदफा २ अनुसार स्वीकृत अवकास कोष आयमा ९९ करोड कर छुट दिइएको छ। यसमा ४४ वटा करदाताले सुविधा पाएका छन्। यस्तै आर्थिक ऐन २०७८ को दफा २८ को उपदफा १ बमोजिम पाँच लाख ६८ हजार ८०४ वटा करदाताले दुई अर्ब २८ करोड कर छुट पाएका छन् ।
आर्थिक ऐन २०७८ को दफा २८ को उपदफा ३ अनुसार कारोबारको आधारमा कर बुझाउने करदातालाई ७५ प्रतिशत कर छुट दिँदा ४७ करोड कर छुट दिइएको छ । यसैगरी, कोभिड छुटकै अर्को स्किममा ६६ हजार तीन करदाताले एक अर्ब १८ करोड कर छुट पाएका छन् ।
यस्तै कोभिड छुट अन्तर्गत नै होटल तथा पर्यटन व्यवसायीहरुले ५१ करोड ६७ लाख कर छुट पाएका छन् ।
