२०८२ भाद्र १ गते आइतवार
२०८२ भाद्र १ गते आइतवार
अब प्रदेश लोकसेवा आयोगको आवेदन समेत नागरिक एपबाटै दिन सकिने भएको छ । सञ्चार तथा सूचना प्रविधि मन्त्रालय अन्तर्गतको राष्ट्रिय सूचना प्रविधि केन्द्रले देशका सातै प्रदेशका लोक सेवा आयोगलाई नागरिक एपमा आवद्धताका लागि पत्राचार गरेको हो ।
४ फागुनमा गरिएको पत्राचारमा अनुसार नागरिक एपमा सम्पूर्ण प्रदेश लोकसेवा आयोगका भर्ना प्रणालीलाई अन्तर आवद्धता गर्न एपीआई माग गरिएको छ । केन्द्रका अनुसार अबको एक महिनाभित्र सातै प्रदेशका लोकसेवा आयोगको भर्ना प्रणालीलाई नागरिक एपमा आवद्ध गरिसक्ने अपेक्षा गरिएको छ ।
त्यससँगै नागरिक एपबाटै लोकसेवाको आवेदन दिन, त्यसको भुक्तानी गर्न र प्रवेश-पत्र डाउनलोड गर्न सकिनेछ । यस बाहेक मास्टर आईडीको आधारमा प्रोफाइल लिङ्क गर्ने लगायतका सुविधा समेत नागरिक एपमा थपिनेछन् ।
नागरिक एपमा यो सुविधा थप भएपश्चात लोकसेवामा आवेदन दिन चाहने उम्मेदवारले बनाएको एउटै प्रोफाइलको आधारमा अन्य प्रदेशमा समेत आवेदन दिन सकिनेछ । तर हाल भने प्रत्येक प्रदेश लोकसेवामा छुट्टाछुट्टै प्रोफाइल तयार पार्नुपर्ने बाध्यता रहेको छ । संघीय लोकसेवा आयोग भने यस अघि नै नागरिक एपमा आवद्ध भइसकेको छ ।
© 2025 All right reserved to khabarcnter.com | Site By : Sobij
