२०८२ मंसिर ५ गते शुक्रवार
२०८२ मंसिर ५ गते शुक्रवार
काठमाडौँ । जनमत पार्टीले आफ्नो पार्टी कार्यालयका लागि विभिन्न पदमा कर्मचारी नियुक्तिका लागि आवेदन आव्हान गरेको छ ।
केन्द्रीय कार्यालयदेखि जिल्ला कार्यालयमा कर्मचारी व्यवस्थापनका लागि विज्ञापन निकालेको सो पार्टीका उपाध्यक्ष दीपक साहले बताए । जसपाले काठमाडौँसहित विभिन्न जिल्लाका लागि २५ जना कम्प्युटर अपरेटर माग गरेको छ । काठमाडौँका लागि चार जना अनुसन्धानकर्ता, कन्टेन्ट राइटर (लेखक) दुई जना, काठमाडौँका लागि प्रोग्रामर, एप डेभलपर दुई जना माग गरेको छ ।
पार्टी सरकारमा गएपछि जनताले जनमत पार्टीसँग ठुलो अपेक्षा गरेकाले ती अपेक्षाहरू पूरा गर्न पार्टीले दिन रात काम गर्नुपर्ने र त्यसका लागि जनशक्ति चाहिने भएकाले यसरी विज्ञापन गरिएको उनले बताए ।
पार्टीले केही नकेही गर्ने चुनौती थपिएको बताउँदै उनले आफूहरू त्यसका लागि गम्भीर रूपमा लागेको बताए । यसमा पार्टीभित्र वा बाहिरका व्यक्तिले पनि फर्म भर्न सकिने उनले बताए ।
जनमत पार्टी आम चुनावमा भाग लिँदा १० लाखलाई रोजगारी दिलाउने घोषणा गरेको थियो । रोजगारी सृजना गर्नका लागि जनमत पार्टी प्रयासरत छ ।
© 2025 All right reserved to khabarcnter.com | Site By : Sobij
