२०८२ भाद्र ६ गते शुक्रवार
२०८२ भाद्र ६ गते शुक्रवार
काठमाडौं । प्रधानमन्त्री केपी शर्मा ओलीको प्रतिनिधिसभा विघटन गर्ने निर्णयलाई महाराजाधिराजसङ्ग सुरक्षित बिशेषाधिकारको अर्को रुप भनी बाबु वरिष्ठ अधिवक्ता बालकृष्ण न्यौपानेले बचाव गरेलगत्तै बहसको पालो छोरा कञ्चनकृष्ण न्यौपानेमा आएको छ । उनले पनि संविधानले व्यवस्थापिका र न्यायपालिकालाई तोकेको बाहेकका सबै काम र अधिकार प्रधानमन्त्रीसँग हुने बताएका छन् ।
उनको दलिल अनुसार ‘राज्यका तीनवटै अंग स्वतन्त्र छन् । दुई अंगका तोकिएका काम र अधिकार छाडेर, संविधान र प्रचलित कानूनले संघ, प्रदेश र स्थानीय तहलाई तोकिदिएका बाहेकका अधिकार कार्यपालिकालाई हुन्छ ।
त्यो भनेको अनलिमिटेड गभर्मेन्ट राइट्स हो,अहिले प्रधानमन्त्रीले त्यही अधिकार प्रयोग गर्नुभएको हो ।’ न्यौपानेको तर्क छ ‘सैद्धान्तिक रूपमा कार्यपालिका छुट्टै अंग हो । यसले अन्य दुईवटा अंगले गर्ने बाहेक सबै काम गर्छ । साथै,स्पष्ट कानुनहरू नबनेको अवस्थामा कतिपय विशेष अधिकार कार्यपालिकाले प्रयोग गर्न सक्छ ।’ बाबु छोराले नै बहसका क्रममा प्रधानमन्त्रीको बचाउ गरेका हुन्। बाबुले प्रति बहस २ लाख र छोराले प्रति बहस १ लाख लिएको श्रोतको भनाई छ।
© 2025 All right reserved to khabarcnter.com | Site By : Sobij
