२०८२ भाद्र ६ गते शुक्रवार
२०८२ भाद्र ६ गते शुक्रवार
काठमाडौं । नेकपा प्रचण्ड-नेपाल समूहका अध्यक्ष पुष्पकमल दाहाल प्रचण्डले प्रतिनिधिसभा पुनर्स्थापना हुनेमा आफू विश्वस्त रहेको बताएका छन् ।
मंगलबार बिहान विदेशी मिडियामा कार्यरत नेपालका प्रतिनिधिहरूसँगको भेटमा अध्यक्ष प्रचण्डले सर्वोच्च अदालतले प्रतिनिधिसभा पुनर्स्थापना गरिदिने विश्वास आफूहरूमा रहेको बताएका हुन् ।
प्रचण्डले सरकारले १७ र २७ वैशाखका लागि तोकेको निर्वाचन हुन नसक्ने पनि दाबी गरे । ‘मलाई के विश्वास छ भने अदालतले संसद पुनर्स्थापना गर्छ,’ उनले भने, ‘सरकारले संसद विघटन गरेर असंवैधानिक रुपमा घोषणा गरेको निर्वाचन हुँदैन । ’
प्रचण्डले संसद विघटन सदर भएर प्रधानमन्त्री ओलीले घोषणा गरेको निर्वाचन हुने भए त्यो अर्को असंवैधानिक र अलोकतान्त्रिक कदम हुने बताए । ‘संसद विघटन भयो र ओलीले घोषणा गरेको चुनाव हुने भयो भने त्यो अर्को असंवैधानिक र अलोकतान्त्रिक कदम हुनेछ,’ उनले भने ।
© 2025 All right reserved to khabarcnter.com | Site By : Sobij
