२०८२ भाद्र २ गते सोमवार
२०८२ भाद्र २ गते सोमवार
नेपाल लाइफ इन्स्योरेन्स कम्पनीले डिजिटल धमाका अभियान सञ्चालनमा ल्याएको छ । कम्पनीको केन्द्रीय कार्यालय कमलादीमा आयोजित एक कार्यक्रमका बीच उक्त अभियानको प्रमुख कार्यकारी अधिकृत प्रवीण रमण पराजुलीले शुभारम्भ गरे । कम्पनीका अनुसार यस अभियानअन्तर्गत माघ महिनाभर बीमा नवीकरण शुल्क अनलाइन माध्यमबाट भुक्तानी गर्ने ग्राहकले विभिन्न उपहार पाउने छन् ।
‘भुक्तानी सेवा प्रदायक खल्तीबाट बीमाको नवीकरण शुल्क भुक्तानी गर्ने मध्येबाट हरेक हप्ता एकजना विजेतालाई इयरबड्स प्रदान गरिने छ’ नेपाल लाइफद्वारा जारी विज्ञप्तिमा भनिएको छ ‘खल्तीको प्रयोग गरी बीमा शुल्कको नवीकरण गर्ने सम्पूर्णलाई १ सय रुपैयाँ क्यास ब्याक प्रदान हुनेछ ।’
नेपाल लाइफ इन्स्योरेन्स कम्पनीले बीमाशुल्क नवीकरणका लागि विभिन्न भुक्तानी सेवा प्रदायकहरु ईसेवा, खल्ती, फोनपे, कनेक्ट आईपीएस, आई एम ईपे र प्रभुपेसँग सम्झौता गरेको छ । प्रमुख कार्यकारी अधिकृत पराजुलीले घरबाट नै सहज र सरल तरिकाले प्रिमियम तिर्दा समयको बचत हुनुको साथै कारोबार समेत सुरक्षित हुने बताए । ग्राहकलाई छिटो, छरितो, चुस्त र दुरुस्त सेवा प्रवाह गर्न कम्पनी लालायित रहेको उनले बताए ।
२०७९ असोज मसान्तसम्ममा यस कम्पनीको लगानी १ खर्ब ४९ अर्ब ७६ करोड रुपैयाँ छ भने जीवन बीमाकोष १ खर्ब ४२ अर्ब ९ करोड रुपैयाँ र सेयरधनी कोष ११ अर्ब ३ करोडभन्दा बढी छ । कम्पनीले हालसम्म १ खर्ब ९७ अर्ब १८ करोड रुपैयाँ बीमा शुल्क आर्जन गरेको छ । कम्पनीले हालसम्म ३१ लाख १५ हजार ४२० बीमालेख जारी गरिएको जनाएको छ ।
© 2025 All right reserved to khabarcnter.com | Site By : Sobij
