२०८२ माघ १६ गते शुक्रवार
२०८२ माघ १६ गते शुक्रवार
नवनियुक्त प्रधानमन्त्री पुष्पकमल दाहाल प्रचण्डले आज पद तथा गोपनीयताको शपथ लिँदै छन् ।
शीतल निवासमा अपराह्न ४ बजे शपथ समारोह आयोजना हुँदै छ । प्रधानमन्त्रीमा प्रचण्डको शपथसँगै सानो आकारको मन्त्रिपरिषद् गठन हुनेछ ।
एमालेले उपाध्यक्ष विष्णु पौडेलकाे नेतृत्वमा सरकारमा जाने तयारी गरिरहेको छ । उपमहासचिव पृथ्वी सुब्बा गुरुङलाई पनि सरकारमा पठाउने तयारी भइरहेको एमालेले स्रोतले जनाएको छ ।
अहिलेको अवस्थामा एमाले अर्थ र गृहमध्ये एउटा मन्त्रालय पाउने छ । एमालेले प्रचण्ड नेतृत्वको सरकारमा एमाले सचिव गोर्कण विष्ट, प्रदेश–१ बाट इन्चार्ज देवराज घिमिरे र वसन्त नेम्बाङलाई सरकार पठाउने तयारी गरिरहेको एमालेका एक नेताले जानकारी दिए ।
© 2026 All right reserved to khabarcnter.com | Site By : Sobij
