धेरै पातलो कपाल भएका मानिसहरूलाई कुनै पनि प्रकारको हेयरस्टाइल बनाउन समस्या हुन्छ । पातलो कपाललाई बेस्सरी बाँध्दा टाउकोको छाला नै देखिन्छ  । यदि तपाईं पनि आफ्नो पातलो कपालबाट हैरान हुनुहुन्छ भने यसको उपचार सम्भव छ भन्ने पनि बुझ्नुहोस् ।

कपाललाई घना र मोटो बनाउनका लागि तपाईं प्याज प्रयोग गर्न सक्नुहुन्छ । प्याजका थुप्रै फाइदा छन् जसमध्ये एक हो कपाललाई बाक्लो बनाउनु । प्याजमा एन्टिमाइक्रोबियल र एन्टिइन्फ्लेमेटरी गुण हुन्छन् । यो लेखमा कपाललाई बाक्लो बनाउनका लागि प्याज कसरी प्रयोग गर्ने भन्ने तरिकाबारे जानकारी दिइएको छ ।

१. प्याजको रस

प्याजमा पाइने सल्फरले कपाल लामो र बाक्लो बनाउँछ । कपाललाई बाक्लो बनाउन प्याजको रस कपालमा लगाउनुहोस् । प्याजको रस हप्तामा २ देखि ३ पटक लगाउन सक्नुहुन्छ । प्याजको रस कपाल र टाउकोमा लगाउनुहोस् र हल्का हातले मसाज गर्नुहोस् । टाउकोमा गोलाकार गतिमा मसाज गरेपछि यसलाई एक घण्टाको लागि छोड्नुहोस् । हल्का स्याम्पुले कपाल धुनुहोस् ।

२. प्याजको तेल

प्याज र नरिवलको तेलको मिश्रणबाट बनेको तेल कपाललाई बाक्लो बनाउन प्रयोग गर्न सकिन्छ । नरिवलको तेलको मद्दतले कपालमा जीवन्तता आउँछ र तिनीहरू टुट्नबाट जोगिन्छन् । अर्कोतर्फ प्याजको मद्दतले कपालको जरा बलियो हुन्छ र कपाल छिटो बढ्छ । प्याजलाई मसिनो गरी काट्नुहोस् ।

भाँडोमा नरिवलको तेल हाल्नुहोस् र त्यसमा प्याजका टुक्राहरू उमाल्नुहोस् । जब तेलको रंग परिवर्तन हुन्छ, आगोको आँच कम गर्नुहोस् । ५ मिनेट पछि मिश्रण चिसो भएपछि छान्नुहोस् । अब तपाईंको प्याजको तेल तयार भयो, यसलाई कपालमा लगाउनुहोस् ।

३. प्याजको हेयर प्याक

कपाललाई घना र बाक्लो बनाउन प्याजमा कागती र अमलाको धूलो मिसाएर कपालमा हेयर प्याक लगाउनुहोस् । कागतीको रस मिसाउँदा कपाल बलियो हुन्छ, संक्रमणबाट जोगिन्छ ।

अमलाको धूलोको प्रयोगले कपाल कालो देखिन्छ र प्याजको मद्दतले कपाल र टाउको सम्बन्धी समस्याहरू हटाउँछ । यो मिश्रण मिलाएर कपालमा लगाएर छोड्नुहोस् । यो प्याक लगाएर आधा घण्टासम्म छोड्नुहोस् र त्यसपछि सफा पानीले कपाल धुनुहोस् ।

४. प्याजको जुस

कपाललाई बाक्लो बनाउन प्याज मात्र नभई यसको सेवन गर्नु पनि फाइदाजनक हुन्छ । प्याजको रस पिउनुहोस् । प्याजको रस पिउनाले रोग प्रतिरोधात्मक क्षमता बढ्छ र प्याजको रस कपालको लागि फाइदाजनक मानिन्छ ।

यसको रस हप्तामा दुई पटक सेवन गर्न सक्नुहुन्छ । यसको रस बनाउन प्याज र पानीलाई मिक्सरमा मिलाउनुहोस् । तयार भएको मिश्रणलाई छान्नुहोस्  र त्यसमा कागती मिसाएर पिउनुहोस् ।

५. प्याज र एलोवेरा पेस्ट

कपाललाई बाक्लो बनाउन प्याज र एलोभेराको पेस्ट कपालमा लगाउन सक्नुहुन्छ । प्याजको टुक्रालाई पेस्टको रुपमा एलोभेरा जेलसँग मिसाउनुहोस् । तपाईं यसलाई मिश्रणमा टी ट्री ओयलको ३ देखि ४ थोपा पनि मिसाउन सक्नुहुन्छ ।

यो पेस्टलाई कपाल र जरामा लगाउनुहोस् । त्यसपछि ३० मिनेका लागि कपालमा लगाएर छोड्नुहोस् । यो तरिका अपनाउनुहुन्छ भने कपाल छिट्टै घना र बलियो हुनसक्छ ।