२०८२ मंसिर ६ गते शनिवार
२०८२ मंसिर ६ गते शनिवार
काठमाडौं । उपत्यका बाहिरका लगानीकर्ताहरुले सोमवार जिल्ला प्रशासन कार्यालय अगाडि धर्ना दिने भएका छन् ।
लगानीकर्ताहरुले सोमवार बिहान १० बजेदेखि ३ बजेसम्म उपत्यका बाहिरका सम्पूर्ण जिल्ला प्रशासन कार्यालय अगाडि विरोध प्रदर्शन गर्न लागेका हुन् ।
शेयर बजार सुधारका १९ बुँदे माग राख्दै काठमाडौंमा गत जेठ २३ गते लगानीकर्ताहरु नियामक निकाय नेपाल धितोपत्र बोर्डमा पुगेका थिए । गत जेठ २४ गते शेयर बजार सुधारको माग राख्दै नेपाल स्टक एक्सचेञ्ज(नेप्से) पुगेका लगानीकर्ताहरुलाई प्रहरीले पक्राउ गरेसँगै लगानीकर्ताले आन्दोलनलाई अझ सशक्त बनाएका छन् ।
जेठ २७ गते शुक्रवार पनि लगानीकर्ताले माइतीघरदेखि बानेश्वरसम्म शक्ति प्रदर्शन गरेका थिए । पूँजीबजार सुधार र विकासका लागि गठित समितिले घोषणा गरेको आन्दोनमा अहिले अधिकांश लगानीकर्ताका छाता संगठनहरुले एक्यवद्धता जनाएका छन् ।
एक जना लगानीकर्ता नैन सिहं बास्तोलाका अनुसार पूँजीबजार सुधार समितिको पहलमा विरोध प्रदर्शन हुन लागेको हो । विभिन्न जिल्लामा रहेका लगानीकर्ताहरु एक भएर जिल्ला प्रशासन कार्यालयमा विरोध प्रदर्शनसहित प्रमुख जिल्ला अधिकारीलाई ध्यानाकर्षण पत्र बुझाउने तयारीमा रहेको पनि उनले जानकारी दिए ।
© 2025 All right reserved to khabarcnter.com | Site By : Sobij
