२०८२ भाद्र २४ गते मंगलवार
२०८२ भाद्र २४ गते मंगलवार
काठमाडौं । नेपाल स्टक एक्सचेञ्ज (नेप्से) आज १५.८७ अंकले बढेको छ । हिजो मंगलबार पाँच अंकले घटेको नेप्से परिसूचक आज बढेको हो ।
बजार बढेको दिन एक करोड ५९ लाख कित्ता सेयर किनबेच भएको छ। यस्तै, यसक्रममा ६ अर्ब २१ करोड रूपैयाँ बराबरको कारोबार भएको छ ।
कारोबार सुरू हुनसाथ घटेको सेयर बजार १० मिनेट घटेपछि फेरि सुधारिन थालेको थियो । त्यसपछि लगातार सुधारिँदै दुई हजार तीन सय ४२ अंकमा पुगेर रोकिएको छ । यो, नेपालको सेयर बजारमा कायम भएको सबैभन्दा उच्च बिन्दु हो ।
सेयर बजार बढे पनि आज बैंक, व्यापार, होटल, उत्पादनमूलक र अन्य समूह घटेका छन् । यी बाहेक अन्य सात समूह भने बढेका छन् । आज विकास बैंक, जलविद्युत्, वित्त, निर्जीवन बीमा, लघुवित्त, जीवन बीमा र अन्य समूह बढेका हुन् ।
© 2025 All right reserved to khabarcnter.com | Site By : Sobij
