२०८२ भाद्र ५ गते बिहिवार
२०८२ भाद्र ५ गते बिहिवार
काठमाडौं । संसद् विघटनविरुद्धको मुद्दाको आज संवैधानिक इजलासमा सुनुवाइ हुन लागेको छ । यसका लागि आज गठन गरिएको संवैधानिक इजलासमा यसअघिकै न्यायाधीश परेका छन् ।
सर्वोच्च अदालतको दैनिक पेशी सूचिमा आज संसद् विघटनविरद्धको मुद्दाको सुनुवाइ १ नं. इजलासमा तोकिएको छ । आजको संवैधानिक इजलासमा प्रधानन्यायाधीश चालेन्द्र शम्शेर जबरा, न्यायाधीशहरु विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी रहेका छन् ।
यसअघि शुक्रबारको इजलासमा पनि उनीहरु नै थिए। शुक्रबारको इजलासले निरन्तर सुनुवाइको निर्णय गरेको थियो ।
प्रधानमन्त्री केपी शर्मा ओलीले पुस ५ गते प्रतिनिधिसभा विघटन गराएपछि यसका विरुद्ध सर्वच्चो अदालतमा मुद्दा परेको हो । यसमा सुनुवाइ हुँदै आएको छ ।
शुक्रबारसम्म यसलाई बृहत पूर्ण इजलासमा पठाउने कि संवैधानिक इजलासमै सुनुवाइ गर्ने भन्नेमा बहस चल्दै आएको थियो ।
© 2025 All right reserved to khabarcnter.com | Site By : Sobij
