२०८२ मंसिर ६ गते शनिवार
गृह मन्त्रालयले सशस्त्र प्रहरी निरीक्षक (इन्स्पेक्टर) डाक्टर आस्था श्रेष्ठलाई सेवाबाट हटाउने तयारी गरेको छ।
उनी सशस्त्र प्रहरीको बलम्बुस्थित अस्पतालमा कार्यरत थिइन्। लामो समयदेखि कार्यालयमा अनुपस्थित रहेकोले उनीमाथि कारबाही गर्न लागिएको हो।
उनी गत फागुन १२ देखि बिदा स्वीकृत नगराई अस्पतालमा अनुपस्थित भएकी थिइन्। जिम्मेवारी र आचरणविपरीत कार्य गरेकोले भविष्यमा सरकारी सेवाका लागि अयोग्य नठहरिने गरी सेवाबाट हटाउने तयारी गरिएको हो।
सजाय गर्नु नपर्ने कुनै कारण भए पेश गर्न मन्त्रालयले सार्वजनिक सूचना निकालेर जानकारी दिएको छ। 
© 2025 All right reserved to khabarcnter.com | Site By : Sobij