२०८२ भाद्र २ गते सोमवार
२०८२ भाद्र २ गते सोमवार
काठमाडौं । विश्व स्वास्थ्य संगठनले उपलब्ध गराएको हैजाविरुद्धको साढे दुई लाख डोज ओरल खोप नेपाल आइपुगेको छ । उक्त खोप कपिलवस्तुको पाँच वटा नगरपालिकाका स्थानीयलाई लगाइने स्वास्थ्य मन्त्रालयले जनाएको छ ।
मन्त्रालयका अनुसार आगामी आइतबार खोप लगाउने तयारी भइरहेको छ। कपिलवस्तुको कृष्णनगरपालिकामा ६० हजार १५६, महाराजगञ्जमा ५३ हजार १५६, शिवराजमा ६४ हजार ७७८, विजयनगरमा ३५ हजार ९०३ र यशोधरामा ३७ हजार ७८३ खोप डोज वितरण गरिनेछ।
गत असोज १८ गतेदेखि कपिलवस्तुमा झाडापखालाको प्रकोप फैलिएको थियो। मन्त्रालयका अनुसार प्रकोपबाट चार जनाको मृत्यु भइसकेको छ भने हाल त्यहाँ झाडापखाला नियन्त्रणमा रहेको मन्त्रालयले जनाएको छ।
उक्त खोप स्वास्थ्य सचिव डा. रोशन पोखरेललाई डब्लूएचओका स्वास्थ्य पदाधिकारीले हस्तान्तरण गरेका छन् ।
© 2025 All right reserved to khabarcnter.com | Site By : Sobij
