२०८२ मंसिर ८ गते सोमवार
२०८२ मंसिर ८ गते सोमवार
काठमाडौं । शुक्रबार प्रतिपक्ष दल नेकपा एमालेका अध्यक्ष केपी शर्मा ओली र उपाध्यक्ष भीम रावलबीच बाझाबाझ चलेको छ । बैठकमा उपस्थित भएका रावलले १० बुँदे सहमति कार्यान्वयन नभएको विषयमा असन्तुष्टि पोखेपछि बाझाबाझ चलेको हो ।
बैठकमा रावललको भनाइप्रति ओलीले हस्तक्षेप गर्दै अब १० बुँदेका कुनै औचित्य छैन भनेर झपारेका थिए । ‘१० बुँदेको सकियो । तपाईंले सक्नु भएन राजीनामा दिनु भयो त म के गरौँ ?अब कार्यदल किन चाहियो । तपाईंले राजीनामा दिएपछि कार्यदल नै सकियो त,’ अध्यक्ष ओली भने ।
अब १० बुँदेभन्दा पनि पार्टीको समस्याका विषयमा पार्टी केन्द्रित हुने पनि उनले बैठकमा भनेका छन् । उपाध्यक्ष रावलले भने आफू १० बुँदे कार्यान्वयन कार्यदलमा बस्न नसकेर नभई सहमति कार्यान्वयन नभएपछि बाहिरिएको जवाफ दिएका छन् ।
बैठकमा दुईबीच चर्काचर्की भएपछि अष्टलक्ष्मी शाक्य, अमृतकुमार बोहरालगायतले उनीहरुलाई यस विषयतिर प्रवेश नगर्न अनुरोध गरेका थिए ।
© 2025 All right reserved to khabarcnter.com | Site By : Sobij
