२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौं । चितवनको भरतपुर महानगरपालिका–१० मा बसको ठक्करबाट एकजनाको मृत्यु भएको छ । एकजना घाइते छन् ।
पैदलयात्री लमजुङको बेसीसहर नगरपालिका–६ का २२ वर्षीय विनोद अधिकारीको मृत्यु भएको हो । बसको ठक्करबाट गम्भीर घाइते भएका उनको उपचारको क्रममा गए राति साढे १ बजे भरतपुरस्थित चितवन मेडिकल कलेजमा मृत्यु भएको जनाइएको छ ।
घाइते पैदलयात्री २० वर्षीय महादेव भण्डारीको सोही अस्पतालमा उपचार भइरहेको छ ।
वीरगन्जबाट भैरहवातर्फ जाँदै गरेको लु२ख १५८२ नम्बरको बसले मंगलबार राति करिब सवा ११ बजे पैदल हिँडिरहेका उनीहरूलाई ठक्कर दिएको थियो । बससहित चालकलाई जिल्ला प्रहरी कार्यालय चितवनले नियन्त्रणमा लिएको छ ।
© 2025 All right reserved to khabarcnter.com | Site By : Sobij
