२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । हाते कागजमार्फत यात्रुलाई बस टिकट प्रदान गर्दै आएको नयाँ बसपार्कले कम्प्युटर प्रणालीको माध्यमबाट बस टिकट काट्न सुरु गरेको छ ।
नयाँ बसपार्कभित्रका टिकट काउन्टर लाई अन्तर्राष्ट्रियकरण टिकट काउन्टर बनाउने उद्देश्यअनुरूप कम्प्युटर जडान गरी बस टिकट काट्न सुरु गरिएको हो ।
नयाँ बसपार्कभित्रका टिकट काउन्टर लाई अन्तर्राष्ट्रियकरण टिकट काउन्टर बनाउनका लागि वैशाख १ गतेदेखि बन्द गरिएका टिकट काउन्टर कोरोनाको दोस्रो लहरको निषेधाज्ञापछि कम्प्युटर प्रणाली र प्रविधिको प्रयोग गरी सञ्चालनमा ल्याइएको हो ।
टिकट काउन्टर लाई ‘डिजिटल प्रणाली’मा लगेसँगै अब टिकट काउन्टरमा बस्ने कर्मचारीले अनिवार्य पोसाक र परिचयपत्र लगाउनुपर्ने भएको छ । कम्प्युटर प्रणाली अपनाएसँगै गाडीमा सिट भए वा नभएको प्रस्ट थाहा पाउने हुनाले आफूले चाहेको टिकट सजिलै काट्न सकिन्छ ।
नयाँ बसपार्कबाट हाल ६५ भन्दा बढी जिल्लामा एसी, डिलक्स र साधारण खालका सार्वजनिक सवारी साधन आवतजावत गर्दै आएका छन् । नयाँ बसपार्कभित्रका ३२ टिकट काउन्टरले हाल कम्प्युटर प्रणालीमार्फत बसको टिकट काट्न सुरु गरेका छन् ।
© 2025 All right reserved to khabarcnter.com | Site By : Sobij
