२०८२ मंसिर १५ गते सोमवार
२०८२ मंसिर १५ गते सोमवार
काठमाडौं । नेपाल विद्युत् प्राधिकरणको कार्यकारी निर्देशकमा कुलमान घिसिङ नियुक्त भएका छन् ।
सोमबार बसेको मन्त्रिपरिषद् बैठकले यो निर्णय गरेको बताइएको छ । घिसिङको आजै पदभार ग्रहण हुँदैछ । कार्यकारी निर्देशक रहेका हितेन्द्रदेव शाक्यलाई ऊर्जा आयोगमा सरुवा गरिएको बताइएको छ ।
सोमबार बसेको मन्त्रिपरिषद बैठकले घिसिङलाई नियुक्त गर्ने निर्णय गरेको र आज पदबहाली गर्ने सम्भावना रहेको स्रोतले जनाएको छ ।
मन्त्रिपरिषद् बैठकले प्राधिकरणको कार्यकारी निर्देशकमा घिसिङलाई नियुक्त गर्ने र वर्तमान कार्यकारी निर्देशक हितेन्द्रदेव शाक्यलाई जल तथा ऊर्जा आयोगमा लैजाने निर्णय गरेको हो । प्राधिकरण स्रोतका अनुसार शाक्यले हिजो प्राधिकरणमा पुगेर अनौपचारिक रुपमा विभागीय प्रमुखलगायतसँग भेटघाट गरी बिदा लिनु भएको छ ।
प्राधिकरणको नेतृत्वमा रहेका बेला लोडसेडिङ अन्त्यसँगै विद्युत् चुहावट नियन्त्रणमा उल्लेख्य सफलता हात पारेपछि कुलमानको लोकप्रियता बढेको थियो । त्यस्तै, प्राधिकरणलाई सबैभन्दा बढी नाफा कमाउने संस्थानका रूपमा समेत उहाँले स्थापित गर्नु भएको थियो ।
२०७७ भदौमा चार वर्षे कार्यकाल सकेर कुलमान प्राधिकरणबाट बाहिरिनु भएको थियो । तर, अहिले चुहावट नियन्त्रण गर्न नसकेको, व्यवसायीसँग डेडिकेटेड र ट्रंक लाइनको महसुल उठाउन नसकेको भन्दै प्रश्न उठेपछि उर्जामन्त्री पम्फा भुसालले कुलमानलाई नै कार्यकारी निर्देशक बनाउने तयारी गर्नु भएको थियो ।
केही दिनअघि प्राधिकरणका वर्तमान कार्यकारी निर्देशक शाक्यले सरकारले उचित ढंगले अर्को जिम्मेवारी दिए स्वीकार गर्ने बताउनु भएको थियो । यसअघिको केपी शर्मा ओलीकै सरकारमाथि कुलमानलाई प्राधिकरणको कार्यकारी निर्देशक पदमा दोहोर्याउनुपर्ने दबाब परे पनि उहाँलाई दोहोर्याइएको थिएन ।
© 2025 All right reserved to khabarcnter.com | Site By : Sobij
