२०८२ मंसिर १५ गते सोमवार
२०८२ मंसिर १५ गते सोमवार
काठमाडौं । पछिल्लो समय बढेको कोरोना संक्रमणबाट बच्न काठमाडौं उपत्यकामा फेरि निषेधाज्ञा थपिने अनुमान भइरहेका बेला काठमाडौं उपत्यकाका तीनवटै जिल्लाका प्रमुख जिल्ला अधिकारीहरुको बैठक चलिरहेको छ।
यसअघि घोषित निषेधाज्ञा भोलि (बुधबार) मध्यरातिबाट सकिँदैछ । केही दिनयता कोरोना संक्रमित बढ्दै जाँदा काठमाडौँ उपत्यका लगायत देशका प्रमुख सहरहरुमा रहेका अस्पतालहरु संक्रमितले भरिन थालेको सन्दर्भमा बस्न लागेको बैठकले महत्वपूर्ण निर्णय गर्ने बताइएको छ ।
आज दिउँसो काठमाडौँ जिल्ला प्रशासन कार्यालयमा बस्ने बैठकले जारी निषेधाज्ञामा केही परिमार्जन गर्ने संकेत गरेको छ । यस साता देशभर मास्क अभियान सञ्चालन भइरहेका कारण र निषेधाज्ञामा कडाइपश्चात् मात्रै बढ्दो संक्रमणदर नियन्त्रणमा आउने विज्ञको सुझावबमोजिक बैठक बस्न लागेको हो ।
संक्रमण बढ्दै गएकाले अबको निषेधाज्ञाको मोडालिटी केही परिमार्जनसहित वैज्ञानिक र व्यवहारिक बनाउन विशेषज्ञले सुझाएका छन् । बढ्दो भीडभाड नियन्त्रण, चोकहरुमा देखिएको घुइँचोलाई व्यवस्थित गर्नेगरी तथा तालिम, सभा र गोष्ठिजस्ता क्रियाकलापलाई निरूत्साहित गर्नेगरी र केही क्षेत्रलाई सीमित गरेर अघि बढ्ने निर्णय गरिने तयारी भएको स्रोतले बताएको छ ।
काठमाडौँ उपत्यकामा वैशाख १६ देखि जारी निषेधाज्ञा एक महिना यता खुकुलो बनाइएसँगै लापरवाहि बढेको, स्वास्थ्य मापदण्ड उल्लंघनका घटना बढेका कारण तेस्रो लहर सन्निकट रहेको विज्ञले चेतावनी दिइरहेका छन् ।
हिजो (सोमबार) स्वास्थ्य तथा जनसंख्या मन्त्रालयले पछिल्लो २४ घण्टाको अपडेट दिँदै देशभर गरिएको १६ हजार ५९४ परीक्षणमा थप ३ हजार ६५१ जनामा कोरोना संक्रमण पुष्टि भएको, १ हजार ७८४ जना संक्रमणमुक्त भएको र २२ जनाको मृत्यु भएको जनाएको छ ।
© 2025 All right reserved to khabarcnter.com | Site By : Sobij
