२०८२ भाद्र १ गते आइतवार
२०८२ भाद्र १ गते आइतवार
संयुक्त अरब इमिरेट्स (यूएई)ले (कोभिड–१९) विरूद्ध पूर्ण खोप लगाएका यात्रु तथा यूएईमा आवासीय अनुमति पत्र (भिसा) भएका नेपालसहित ६ देशका व्यक्तिलाई प्रवेश अनुमति दिने निर्णय गरेको छ ।
यूएईले तोकिएको मापदण्ड पूरा गरेका नेपालसहित भारत, पाकिस्तान, श्रीलंका, नाइजेरिया र युगान्डा नागरिकलाई प्रवेश अनुमति दिन लागेको हो ।
आबुधाबीस्थित नेपाली दूतावासका अनुसार यूएईले बिहीबार अर्थात् ५ अगस्टदेखि लागू हुने गरी नेपाली नागरिकलाई यूएई प्रवेश खुला गरेको जनाएको छ । यूएईले लामो समय देखि नेपाललगायत १६ देशका यात्रुलाई प्रतिबन्ध लगाएको थियो।
यी हुन् नयाँ मादपण्ड
१) यूएईको आवासीय भिसा भएका र यूएईमा कोभिड(१९ विरुद्धको दुवै मात्रा खोप लगाई सोको प्रमाणपत्र लिएका ।
२) यूएईको आवासीय भिसा भएका तर खोप नलगाएका निम्न व्यक्तिहरू(
– यूएईको सरकारी निकायमा कार्यरत व्यक्ति,
– यूएईमा कार्यरत स्वास्थ्यकर्मी,
– यूएईका विद्यालय तथा विश्वविद्यालयका शिक्षक,
– यूएईमा उपचार चलिरहेका व्यक्ति,
– विशेष मानवीय परिस्थिति भएका व्यक्ति ।
यस्ता छन् प्रक्रिया
१) यूएईको Authority for Identity and Citizenship बाट यूएई प्रवेशका लागि अनुमति लिनुपर्ने ।
२) ४८ घण्टाभित्रको पिसिआर नेगेटिभ रिपोर्ट हुनुपर्ने ।
३) नेपालको विमानस्थलमा Rapid Test हुने ।
४) यूएईका विमानस्थलमा अवतरण भएपछि पिसिआर परीक्षण हुने ।
५) क्वारेन्टिनलगायतका अन्य स्वास्थ्य प्रोटोकलको पालना गर्नु पर्नेछ ।
© 2025 All right reserved to khabarcnter.com | Site By : Sobij
