२०८२ भाद्र १ गते आइतवार
२०८२ भाद्र १ गते आइतवार
कोरियन भाषा परीक्षा (ईपीएस) उत्तीर्ण कामदारलाई तत्काल दक्षिण कोरिया पठाउन संसदीय समितिले सरकारलाई निर्देशन दिएको छ ।
आइतबार सिंहदरबारमा बसेको राष्ट्रियसभाको प्रत्यायोजित व्यवस्थापन तथा सरकारी आश्वासन समितिको बैठकले ईपीएस उत्तीर्ण कामदारलाई तत्काल दक्षिण कोरिया पठाउन सरकारलाई निर्देशन दिएको हो ।
समितिले प्रधानमन्त्री तथा मन्त्रिपरिषद्को कार्यालय, श्रम, रोजगार तथा सामाजिक सुरक्षा मन्त्रालय, परराष्ट्र मन्त्रालय र स्वास्थ्य तथा जनसंख्या मन्त्रालयलाई कोरिया नेपाली कामदार पठाउन निर्देशन दिएको हो ।
परीक्षा उत्तीर्ण १० हजार कामदारलाई दक्षिण कोरिया पठाउन सरकारले आलटाल गरेको भन्दै समितिमा उजुरी परेको थियो । त्यसैको सुनुवाइ गर्दै कामदारलाई पठाउन निर्देशन दिइएको समिति सभापति रामनारायण विडारीले बताए ।
बैठकमा सांसदहरूले उठाएका प्रश्नको जवाफ दिँदै मुख्यसचिव शंकरदास बैरागीले आवश्यक प्रक्रिया पूरा गरेका कामदारलाई गन्तव्यमा पुर्याउन सरकारले समन्वय गर्ने बताए ।
यस्तै श्रम, रोजगार तथा सामाजिक सुरक्षा मन्त्रालयका सचिव सूर्यप्रसाद गौतमले कामदारहरूलाई खोपको उचित व्यवस्थापन नहुँदा समस्या भएको बताए ।
यस्तै उनीहरूलाई कोरिया पुर्याउन विमानको व्यवस्था मिलाउन कठिनाइ भइरहेको गौतमको भनाइ छ ।
© 2025 All right reserved to khabarcnter.com | Site By : Sobij
