२०८२ मंसिर १५ गते सोमवार
२०८२ मंसिर १५ गते सोमवार
काठमाण्डौ । कोभिड–१९ सङ्कट व्यवस्थापन केन्द्र (सीसीएमसी) को बैठक बस्दैछ । सिंहदरबारमा दिउँसो ४ बजे बस्ने बैठकले निषेधाज्ञा कडा बनाउने निर्णय गर्न सक्ने सम्भावना रहेको बुझिएको छ ।
निषेधाज्ञा भए पनि कोरोना भाइरसको सङ्क्रमण फेरि बढ्दै गएपछि रोकथाम लगायतका विषयमा छलफल गर्न बैठक बस्न लागेको हो। आजको बैठकमा प्रधानमन्त्री शेरबहादुर देउवा पनि सहभागी हुनुहुनेछ ।
हिजो मात्र देशभर ३ हजार ३ सय ६५ जनामा कोरोना सङ्क्रमण पुष्टि भएको थियो । स्वास्थ्य विज्ञले स्वास्थ्यका मापदण्ड पालना नगरे कोरोनाको तेस्रो लहर आउने चेतावनी दिएका छन् ।
सीसीएमसीका कार्यकारी निर्देशक बालानन्द शर्माका अनुसार आज बस्ने बैठकमा कोरोनाविरुद्धको खोप व्यवस्थापन, भिडभाड नियन्त्रण गरी संक्रमण रोक्नेलगायत विषयमा छलफल हुनेछ ।
“पछिल्लो समय संक्रमण बढ्दै गएको छ । यसको समाधान कसरी गर्ने भन्ने सन्दर्भमा छलफल हुनेछ,” शर्माले भने ।
© 2025 All right reserved to khabarcnter.com | Site By : Sobij
