२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । वन्डर्स इनर्जीले निर्माण गर्न लागेको खिम्ती-घ्वाङ् साना जलविद्युत आयोजना (९ मेगावाटा) र एनएमबि बैंकले १ अर्ब २४ करोड रुपैयाँ ऋण लगानी सम्झौता आज साउन १२ गते सम्पन्न भएको छ।
सम्झौतामा एनएमबि बैंकका तर्फबाट सस्टेनेबल इनर्जी बैंकिङका विभाग प्रमुख दिनेश दुलाल र कम्पनीका तर्फबाट प्रबन्ध सञ्चालक प्रकाशचन्द्र दुलालले हस्ताक्षर गरेका छन्। कम्पनीले दोलखाको जिरी नगरपालिका–१ र रामेछापको गोकुलगंगा गाउँपालिका–१ को सीमा भएर बहने खिम्ती–घ्वाङ् खोलामा निर्माण गरिरहेको खिम्ती– घ्वाङ जलविद्युत आयोजना २०८४ साल चैतमा सम्पन्न गर्ने गरी कार्य भइरहेको जनाएको छ।
आयोजनाका लागि आवश्यक सरकारी जग्गा प्राप्ति र रुख कटानको अनुमति वैशाख १५ गतेको मन्त्रिपरिषदबाट निर्णय भएको र आयोजनाका लागि आवश्क सम्पूर्ण जग्गा खरिद, कन्स्ट्रक्सन पावर जडान, पहँचमार्ग निर्माण, गोदाम घर, आवस गृह आदिको निर्माण सम्पन्न भएको छ र सभिल, हाइड्रो मेकानिकल र इलेक्ट्रो मेकानिकल निर्माण ठेक्का सम्झौता सम्पन्न भई अहिलेसम्म करिब ३० प्रतिशत काम सम्पन्न भएको कम्पनीले जनाएको छ।
आयोजना निर्माणका लागि लाग्ने १ अर्ब ८० करोड रुपैयाँमध्ये १ अर्ब २४ करोड ऋण लगानीका लागि एनएमबि बैंकसँग आज समझदारी भएको हो भने बाँकी ५६ करोड रुपैयाँमध्ये ३५ करोड रुपैयाँ जुटिसकेको र ३० करोड रुपैयाँ असोजभित्रमा जुटाउने गरी काम भइरहेको जानकारी जानकारी कम्पनीका प्रबन्ध सञ्चाक दुलालले दिए।
© 2026 All right reserved to khabarcnter.com | Site By : Sobij
