२०८३ कार्तिक १३ गते शुक्रवार
२०८३ कार्तिक १३ गते शुक्रवार
.gif)
काठमाडौं । सरकारले आर्थिक वर्ष २०८३\८४ को बजेट कार्यान्वयनलाई प्रभावकारी, पारदर्शी र नतिजामुखी बनाउन नयाँ वित्तीय मार्गदर्शन जारी गरेको छ। अर्थ मन्त्रालयले विनियोजन ऐन, २०८३ र आर्थिक कार्यविधिसम्बन्धी कानुनको पूर्ण पालना गर्न सबै सरकारी निकायलाई निर्देशन दिएको हो।
मार्गदर्शनअनुसार सार्वजनिक खर्चमा मितव्ययिता अपनाउन नयाँ सवारी साधन खरिद र वैदेशिक भ्रमणका लागि अर्थ मन्त्रालयको पूर्वस्वीकृति अनिवार्य गरिएको छ। साथै इन्धन, मसलन्द, गोष्ठी तथा अन्य प्रशासनिक खर्च घटाउन र सरकारी भवनकै प्रयोगलाई प्राथमिकता दिन निर्देशन दिइएको छ।
साथै, आयोजनामा सम्भावित वित्तीय जोखिमको पूर्वआकलन गरी न्यूनीकरणका उपाय अपनाउनुपर्ने, सशर्त अनुदान र वैदेशिक सहायताको रकम तोकिएको उद्देश्यबाहेक खर्च गर्न नपाइने व्यवस्था गरिएको छ। बजेटको दोहोरोपना र वित्तीय बेथिति रोक्न एलएमबीआईएस प्रणालीको अनिवार्य प्रयोग तथा नियमित अनुगमनमा पनि सरकारले जोड दिएको छ।
© 2026 All right reserved to khabarcnter.com | Site By : Sobij
