२०८३ बैशाख १५ गते मंगलवार
२०८३ बैशाख १५ गते मंगलवार
काठमाडौं । नेपाली काँग्रेस संसदीय दलले सरकारले ल्याउने जनपक्षीय कामहरूलाई समर्थन गर्ने तर विधि र कानून मिचिएमा सचेत गराउने निर्णय गरेको छ ।
नयाँ निर्वाचित संसदको पहिलो संयुक्त संसदीय दलको बैठकपछि सञ्चारकर्मीहरूसँग कुरा गर्दै राष्ट्रिय सभाका सचेतक किरणबाबु श्रेष्ठले यस्तो जानकारी दिएका हुन् । सिंहदरबारमा बसेको बैठकमा पार्टीको आगामी भुमिका र संसदमा सांसदहरूको सक्रियताका विषयमा घनिभुत छलफल भएको उनले बताएका छन्।
तर सरकारले कतै विधि र कानून मिच्ने ढंगले जनता र देशलाई अहित हुने कुरा ल्याएमा काँग्रेसले कडा रूपमा सचेत गराउने उनको भनाइ छ । बैठकमा संसदमा पार्टीको उपस्थितिलाई कसरी प्रभावकारी बनाउने भन्ने विषयमा पनि सांसदहरूबीच छलफल भएको छ ।
सचेतक श्रेष्ठकाअनुसार बैठकमा पार्टीको संयुक्त संसदीय दलको बैठकले आगामी दिनमा संसदमा खेल्नुपर्ने भुमिका र जनताका जल्दाबल्दा समस्याहरूलाई कसरी उठाउने भन्नेमा साझा धारणा बनाएको छ ।
© 2026 All right reserved to khabarcnter.com | Site By : Sobij
