२०८२ चैत्र १७ गते मंगलवार
२०८२ चैत्र १७ गते मंगलवार
काठमाडौं । कास्कीको लिचि बगान घुस प्रकरणमा मुछिएका पूर्वमन्त्रीद्वय राजकुमार गुप्ता र रञ्जिता श्रेष्ठको भ्रष्टाचार मुद्दा सर्वोच्च अदालतमा सुनुवाइका लागि पेसी तोकिएको छ ।
पूर्वमन्त्रीद्वयको भ्रष्टाचार मुद्दा मंगलबार सर्वोच्चका न्यायाधीश नहकुल सुवेदी र श्रीकान्त पौडेलको संयुक्त इजलासमा सुनुवाइका लागि पेसी तोकिएको हो ।
विशेष अदालतले लिचि बगान घुस प्रकरणमा मुछिएका गुप्तालाई पुर्पक्षका लागि थुनामा पठाउने आदेश दिएपछि सो उपर उनी सर्वोच्च अदालतमा पुगेका हुन् ।
गुप्तासँगै पूर्वमन्त्री रन्जिता श्रेष्ठ र तत्कालीन मालपोत कार्यालय कास्कीका प्रमुख रामचन्द्र अधिकारीविरुद्धको भ्रष्टाचार मुद्दा लगाउमा राखेर सुनुवाइ हुँदैछ ।
श्रेष्ठ र अधिकारीलाई विशेष अदालतले जनही पाँच लाख धरौटीमा छाड्ने आदेश दिएपछि सो आदेश बदर गर्न माग गर्दै अख्तियार दुरुपयोग अनुसन्धान आयोगले बेरितको आदेश बदरको माग गर्दै सर्वोच्च पुगेको थियो ।
© 2026 All right reserved to khabarcnter.com | Site By : Sobij
