२०८२ चैत्र १३ गते शुक्रवार
२०८२ चैत्र १३ गते शुक्रवार
काठमाडौं । हालै सम्पन्न प्रतिनिधि सभा निर्वाचनमा काठमाडौं क्षेत्र नम्बर-६ बाट निर्वाचित शिशिर खनालले परराष्ट्र मन्त्रालयको जिम्मेवारी पाएका छन् । बालेन्द्र (बालेन) शाह नेतृत्वको सरकारमा उनी परराष्ट्र मन्त्री नियुक्त भएका हुन् ।
राष्ट्रिय स्वतन्त्र पार्टी (रास्वपा)का प्रभावशाली नेता खनालको काँधमा मुलुकको बाह्य सम्बन्ध र कूटनीति सञ्चालनको जिम्मेवारी परेको हो ।
खनाल दोस्रो पटक मन्त्री भएका हुन् । यसअघि २०७९ माघ ३ गते उनी पुष्पकमल दाहाल ‘प्रचण्ड’ नेतृत्वको सरकारमा पहिलो पटक शिक्षा, विज्ञान तथा प्रविधिमन्त्री नियुक्त भएका थिए ।
नागरिकता मुद्दामा रास्वपाका सभापति तथा तत्कालीन उपप्रधानमन्त्री रवि लामिछानेको पद गुमेपछि उत्पन्न राजनीतिक परिस्थितिका कारण माघ २२ गते रास्वपासमेत सरकारबाट बाहिरिएको थियो ।
रास्वपाको केन्द्रीय सचिवालय सदस्य तथा अन्तर्राष्ट्रिय विभाग प्रमुख खनाललाई परराष्ट्र मन्त्रालयको जिम्मेवारी दिइएको हो ।
© 2026 All right reserved to khabarcnter.com | Site By : Sobij
