२०८२ चैत्र १३ गते शुक्रवार
२०८२ चैत्र १३ गते शुक्रवार
काठमाडौं । काभ्रेपलाञ्चोकको बनेपास्थित अरनिको राजमार्गमा लागुऔषध तथा नशालु पदार्थ सेवन गरी सवारी साधन चलाउने ५ जना चालकलाई प्रहरीले नियन्त्रणमा लिएको छ।
बिहीबार बनेपा नगरपालिका वडा नं. ८ जनागलमा गरिएको विशेष जाँचका क्रममा यात्रुवाहक बस र पानी ट्याङ्करका चालकहरू लागुपदार्थ सेवन गरेको अवस्थामा भेटिएका हुन्।
प्रहरीले शंकास्पद ३९ वटा सवारी साधनका चालकहरूलाई रोकेर परीक्षण गर्दा ५ जनाको रिपोर्ट पोजेटिभ देखिएको हो।
पक्राउ पर्नेहरूमा महानगर बसका चालक २६ वर्षीय समिर तामाङ र २० वर्षीय रोहित घतानी विश्वकर्मा, पुण्यवती यातायातका ३८ वर्षीय समिर महत, मयुर यातायातका ३२ वर्षीय महेश चौधरी र पानी ट्याङ्करका चालक २६ वर्षीय सुगम भुजेल रहेका छन्।
पक्राउ परेका चालकहरूलाई थप अनुसन्धान र कानुनी कारबाहीका लागि इलाका प्रहरी कार्यालय बनेपामा राखिएको छ।
© 2026 All right reserved to khabarcnter.com | Site By : Sobij
